რა გადაწყვეტილება მიიღო OPEC-მა?

OPEC-ის წევრმა ქვეყნებმა კვირას გამართულ შეხვედრაზე შეთანხმებას მიაღწიეს და ნოემბრისთვის ნავთობის მოპოვების მიზნობრივი მაჩვენებლები უცვლელად დატოვეს. როგორც ირკვევა, გადაწყვეტილება ორგანიზაციის შვიდმა ძირითადმა წევრმა: საუდის არაბეთმა, რუსეთმა, ერაყმა, ქუვეითმა, ალჟირმა, ყაზახეთმა და ომანმა დაუჭირა მხარი.

როგორც ცნობილია, გასული თვის განმავლობაში OPEC-ის ძირითადმა წევრებმა დღე-ღამეში საშუალოდ 25 მილიონი ბარელი ნავთობი მოიპოვეს, რაც ივლისის მაჩვენებელს 630,000 ბარელით აღემატება, თუმცა ომამდელ, თებერვლის დონეს თითქმის 5 მილიონი ბარელით ჩამორჩება. შექმნილი ვითარების გამო, OPEC-მა 2027 წლის კვოტების განსაზღვრისთვის საჭირო საწარმოო სიმძლავრეების გადახედვაც გადაავადა.

ჯგუფის ძირითადი წევრების მორიგი შეხვედრა 1 ნოემბერს გაიმართება, თუმცა მასთან მიმართებითაც ანალიტიკოსები ფიქრობენ, რომ OPEC-ის მხრიდან ცვლილება არ იქნება, რადგან ბაზრის პრობლემა არა ახლა უშუალოდ მოპოვების მოცულობა, არამედ ჰორმუზის სრუტის პარალიზებაა.

OPEC-ის გადაწყვეტილების ფონზე, ნავთობის ფასი ფაქტობრივად არ შეცვლილა და ბარელი Brent-ის ღირებულება 102 დოლარს შეადგენს, ხოლო WIT-ის ფასი $91-ის ფარგლებშია, რაც წელს 70%-ით გაზრდილი მაჩვენებელია.