როგორ იცვლება არჩევნების შედეგები სომხეთში - ცესკოს განახლებული წინასწარი მონაცემები

სომხეთის ცენტრალურმა საარჩევნო კომისიამ საპარლამენტო არჩევნების წინასწარი ოფიციალური შედეგები 02:00 საათზე განაახლა. ამ დროისთვის შეჯამებულია უკვე 314 საარჩევნო უბნის მონაცემები, სადაც კენჭისყრაში მონაწილეობა სულ 99 003-მა ამომრჩეველმა მიიღო.

ბოლო მონაცემებით, ხმების უმრავლესობას 54.87%-ს კვლავ პრემიერ-მინისტრ ნიკოლ ფაშინიანის მმართველი პარტია „სამოქალაქო კონტრაქტი“ ინარჩუნებს. მეორე ადგილზეა ბლოკი „ძლიერი სომხეთი“ 22.08%-ით, ხოლო მესამე პოზიციას ბლოკი „სომხეთი“ იკავებს ხმების 8.37%-ით.

ხმები პოლიტიკურ სუბიექტებს შორის 314 უბნის მიხედვით შემდეგნაირად გადანაწილდა:

პოლიტიკური სუბიექტი ხმების რაოდენობა პროცენტული წილი „სამოქალაქო კონტრაქტი“ (ნ. ფაშინიანი) 53 460 54.87% ბლოკი „ძლიერი სომხეთი“ 21 513 22.08% ბლოკი „სომხეთი“ 8 158 8.37% „აყვავებული სომხეთი“ 5 070 5.20% „ერთიანობის ფრთები“ 2 271 2.33% „დემოკრატია, კანონი, დისციპლინა“ 1 585 1.63% სომხეთის მერიტოკრატიული პარტია 1 208 1.24% „ყველას წინააღმდეგ“ 971 1.00% რეფორმისტული პარტია „ახალი ძალა“ 828 0.85% „რესპუბლიკა“ 668 0.69% „განათლებული სომხეთი“ 451 0.46% „დემოკრატიის დამცველთა ბლოკი რესპუბლიკისათვის“ 309 0.32% „დემოკრატიული კონსოლიდაცია“ 251 0.26% „ეროვნულ-დემოკრატიული პოლუსი“ 251 0.26% „სომხეთის ეროვნული კონგრესი“ 151 0.15% ქრისტიან-დემოკრატიული პარტია 118 0.12% „რეფორმისტების პარტია“ 89 0.09% „ქოჩარი: ეროვნული აღორძინება და ერის გამოღვიძება“ 77 0.08%

სომხეთის ცენტრალურ საარჩევნო კომისიაში აცხადებენ, რომ ხმების დათვლისა და მონაცემების განახლების პროცესი უწყვეტ რეჟიმში გრძელდება.

საარჩევნო პროცესის მიმდინარეობისას, ამომრჩეველთა ელექტრონული რეგისტრაციისთვის 4 000 ტექნიკური მოწყობილობა გამოიყენეს.

ხმის მიცემის პროცესის პირდაპირი ტრანსლაციის უზრუნველსაყოფად, ვიდეოკამერები დამონტაჟდა 1 758 საარჩევნო უბანზე (იმ უბნებზე, სადაც ამომრჩეველთა რაოდენობა 300-ს ან მეტს შეადგენს).

საერთო ჯამში გახსნილი 1 996 საარჩევნო უბნიდან, გადაადგილების პრობლემის მქონე პირთათვის ადაპტირებული და ხელმისაწვდომი მხოლოდ 612 უბანი იყო.

საარჩევნო პროცესის გასაშუქებლად აკრედიტაცია გაიარა 71-მა ადგილობრივმა მედიასაშუალებამ და უცხოური მედიის 180-მდე წარმომადგენელმა.

არჩევნებს თვალს ადევნებდა:

• 13 ადგილობრივი და 8 საერთაშორისო სადამკვირვებლო მისია; • სომხეთში აკრედიტებული 35 დიპლომატიური და საკონსულო მისიის წევრი; • სხვადასხვა ქვეყნის 14 საარჩევნო ორგანოს წარმომადგენელი, რომლებიც პროცესს სტუმრის სტატუსით აკვირდებოდნენ.