როგორ შეიცვალა ნავთობის და გაზის ფასები ერთ კვირაში?

ენერგეტიკული ბირჟაზე აღმასვლის ტენდენცია გრძელდება – დღეს ბარელი Brent-ის მარკის ნავთობის ფასმა 86 დოლარს მიაღწია, ხოლო ამერიკული WTI-ის ფასი ბარელზე $81-ის ფარგლებშია, რაც ერთ დღეში 2.5%-იან და ერთ კვირაში 13%-იან ზრდას წარმოადგენს.

ნავთობის პარალელურად, გაძვირებულია ბუნებრივი აირიც, რომლის ღირებულებამ ერთ კვირაში 18%-ით მოიმატა და მეგავატ/საათზე უკვე 58 ევროს გადააჭარბა, რაც წლის დასაწყისიდან დღემდე 100%-ით გაზრდილი მაჩვენებელია.

ენერგეტიკული რესურსების გაძვირება ახლო აღმოსავლეთში გეოპოლიტიკური რისკების დაბრუნებას და ჰორმუზის სრუტის შეფერხებას უკავშირდება, რაც ბაზარზე მიწოდების შეფერხების მოლოდინს აჩენს. ამასთან, ინვესტორებს თითქმის სრულად დაეკარგათ ნდობა სამშვიდობო მოლაპარაკების პროცესის მიმართ, რაც რეგიონისთვის გრძელვადიანი რისკის პრემიას მნიშვნელოვნად ზრდის.