ჯანი ინფანტინომ საკუთარი იმიჯის დასაცავად მილიონები დახარჯა

ბრიტანული გამოცემა The Times-ის ინფორმაციით, ფიფამ ლონდონურ მარკეტინგულ სააგენტო Ten Toes Media-სთან 2.3 მილიონი გირვანქას (დაახლოებით $3.1 მილიონის) ღირებულების კონტრაქტი გააფორმა.გარიგების მთავარი მიზანი ორგანიზაციისა და მისი პრეზიდენტის, ჯანი ინფანტინოს იმიჯის დაცვაა.კონტრაქტი 22 თვეზეა გათვლილი (2025 წლის მარტიდან 2026 წლის დეკემბრამდე) და სააგენტოს ფიფას სოციალური ქსელების (Facebook, Instagram, X, LinkedIn) მართვას ავალებს. დოკუმენტში პირდაპირ წერია, რომ მათი უმთავრესი ამოცანა „პრეზიდენტის ხედვის შესაბამისად“ ფიფას რეპუტაციის ამაღლება, პოზიტიური კონტენტის შექმნა, კომენტარების კონტროლი და ინფლუენსერების ჩართვაა.ეს გარიგება ინფანტინოსთვის საკმაოდ რთულ პერიოდს ემთხვევა. ფიფას პრეზიდენტი საფეხბურთო სამყაროში მზარდ კრიტიკას განიცდის, განსაკუთრებით მას შემდეგ, რაც მსოფლიო ჩემპიონატისა და სხვა ტურნირების კომერციული წილების კერძო ინვესტორებზე მიყიდვის პროექტი ჩაუვარდა. Ten Toes Media-ს, რომელიც ფიფას რეპუტაციის გადარჩენაზე იმუშავებს, წარსულში უეფასთან, არსენალთან და ჰარი კეინთან უთანამშრომლია.