როგორი იყო გასული კვირა გლობალური ბირჟებისთვის?

გასული სამუშაო კვირა ამერიკული საფონდო ბირჟისთვის დადებითი იყო, რადგან Dow Jones-ის, Nasdaq-ის და S&P500-ის ინდექსები საშუალოდ 1.5%-ით გაიზარდა.

ევროკავშირის მასშტაბით ვითარება დადებითი იყო და STOXX 600-ის ფლაგმანური ინდექსი 2.5%-ით გაიზარდა.

გამორჩეული შედეგი ჰქონდა იაპონურ Nikkei 225 ინდექსს, რომელიც 5%-ით არის გაზრდილი.

რაც შეეხება ენერგეტიკულ ბირჟას, Brent-ის მარკის ნავთობის ფასი 96 დოლარის ფარგლებშია, WTI კი დაახლოებით 88 დოლარად ივაჭრება, რაც ერთ კვირაში 2.5%-ით შემცირებული მაჩვენებელია. რუსულ ნავთობს რაც შეეხება, ბარელი Urals-ის ფასი 71 დოლარის ფარგლებშია.

ოქროს ღირებულება გასული კვირის განმავლობაში 5%-ით დაეცა და უნცია მეტალის ფასმა 3880 დოლარი შეადგინა.