რუსეთი დამატებით 300 000 ჯარისკაცის მობილიზებას გეგმავს - ზელენსკი

უკრაინის პრეზიდენტმა, ვოლოდიმირ ზელენსკიმ განაცხადა, რომ მოსკოვი წლის ბოლომდე, სექტემბრის საპარლამენტო არჩევნების დასრულებისთანავე, დამატებით 300 000 ჯარისკაცის მობილიზებას გეგმავს. მისი შეფასებით, კრემლი ახალწვეულებს დონეცკის ოლქის სრულად დასაკავებლად მიმართავს.

ზელენსკის თქმით, წლის დასაწყისიდან რუსეთმა 267 000-მდე სამხედრო დაკარგა, მათ შორის 155 000-მდე დაღუპულის სახით. უკრაინული მხარის განცხადებით, რუსული ძალები დონეცკის ოლქის 20%-ს იკავებენ, სადაც ისეთი სტრატეგიული ქალაქები მდებარეობს, როგორებიცაა სლავიანსკი და კრამატორსკი.

სამშვიდობო მოლაპარაკებების პერსპექტივებთან დაკავშირებით, უკრაინის პრეზიდენტმა აღნიშნა, რომ ომის დასრულების შესაძლებლობის ფანჯარა მომდევნო ზაფხულის ბოლომდე რჩება. ზელენსკის თქმით, ამერიკელი დიპლომატები სტივ ვიტკოფი და ჯარედ კუშნერი აქტიურად მუშაობენ ისეთი ფორმატის მოძებნაზე, რომელიც ომის დასრულებას უკრაინის მიერ ტერიტორიული დათმობების გარეშე უზრუნველყოფს.