რუსეთის საგარეო საქმეთა სამინისტროში EU-ში სომხეთის გაწევრიანების მზადებაში რისკები ხედავენ | სომხური მედია
რუსეთის საგარეო საქმეთა სამინისტროში ევროკავშირში სომხეთის გაწევრიანების მზადებაში რისკები დაინახეს - ამის შესახებ სომხური მედია „რია ნოვოსტისთან“ ინტერვიუში რუსეთის საგარეო საქმეთა სამინისტროს დსთ-ს ქვეყნების პირველი დეპარტამენტის დირექტორის განცხადების საფუძველზე წერს.
როგორც რუსულ მედიასთან რუსეთის საგარეო საქმეთა სამინისტროს წარმომადგენელმა მიქაელ აგასანდიანმა განაცხადა, ევროკავშირში გაწევრიანების მზადების საკითხზე სომხეთი ევრაზიულ ეკონომიკურ კავშირში (EAEU) თავის მოკავშირეებთან კონსულტაციებს არ გადის.
„არსებით რისკებს ვხედავთ ევროკავშირში გაწევრიანებისთვის საკანონმდებლო დონეზე გამყარებულ სომხეთის მზადებასთან დაკავშირებით, რასაც, სხვათა შორის, სომხეთის ხელისუფლებას ევრაზიული ეკონომიკური კავშირის მოკავშირეებთან ყოველგვარი კონსულტაციების გარეშე აწარმოებს“, — აღნიშნა აგასანდიანმა.
სომხეთის პარლამენტმა 2025 წლის მარტში მიიღო კანონი ევროკავშირში სომხეთის გაწევრიანების პროცესის დაწყების შესახებ, ხოლო იმავე წლის აპრილში ის რესპუბლიკის პრეზიდენტმა, ვაჰაგნ ხაჩატურიანმა დაამტკიცა. რუსეთის პრეზიდენტმა, ვლადიმერ პუტინმა ფაშინიანთან შეხვედრაზე განაცხადა, რომ ერთდროულად როგორც ევროკავშირთან, ისე ევრაზიულ ეკონომიკურ კავშირთან საბაჟო კავშირში ყოფნა შეუძლებელია.24 აგვისტოს სომხეთის პარლამენტში ნიკოლ ფაშინიანის მთავრობის ხუთწლიანი პროგრამის წარდგენისას კი პრემიერ-მინისტრმა განაცხადა, რომ სომხეთის მთავრობა ევროკავშირში გაწევრიანების შესახებ ოფიციალური განაცხადის მომზადებისა და წარდგენის პროცესს უახლოეს მომავალში დაიწყებს. მისივე თქმით, შესაბამისი განაცხადის გაგზავნა აუცილებელი წინაპირობაა იმისათვის, რომ მომავალში დაგეგმილი საყოველთაო რეფერენდუმისთვის კონკრეტული ევროინტეგრაციული საგზაო რუკა და რეფორმების გეგმა შემუშავდეს.
BM.GE
წყარო: bm.ge