რუსეთმა საავიაციო ნავთის ექსპორტი დროებით აკრძალა

რუსეთმა საავიაციო ნავთის ექსპორტი დროებით 2026 წლის 30 ნოემბრამდე აკრძალა - ამის შესახებ რუსეთის მთავრობის ვებგვერდზე გამოქვეყნებული განკარგულებიდან ირკვევა.

„ახალი დადგენილებით შემოღებულია დროებითი აკრძალვა რუსეთიდან რეაქტიული ძრავების საწვავის გატანაზე, მათ შორის ბირჟაზე შეძენილზეც. შეზღუდვა ძალაშია 2026 წლის 30 ნოემბრის ჩათვლით“, — ნათქვამია განცხადებაში.

გადაწყვეტილება მიღებულია საწვავის შიდა ბაზარზე „სტაბილური სიტუაციის უზრუნველსაყოფად“.

RBC წერს, რომ რუსეთი საავიაციო ნავთის ექსპორტზე ემბარგოს პირველად აწესებს. მანამდე, 2023 წლის სექტემბრიდან მოყოლებული, ქვეყანამ შიდა ბაზრის სტაბილიზაციისთვის უკვე არაერთხელ შეზღუდვები საზღვარგარეთ ბენზინისა და დიზელის საწვავის მიწოდებაზე შემოიღო.

1 აპრილიდან 31 ივლისამდე ქვეყანაში ბენზინის ექსპორტის სრულად აიკრძალა, რაც მაღალი მოთხოვნის პერიოდში დეფიციტის თავიდან აცილებას ისახავს მიზნად. პარალელურად, გრძელდება დროებითი აკრძალვა დიზელის საწვავის ექსპორტზე არამწარმოებლებისთვის (ტრეიდერები, ნავთობბაზები და მცირე ნავთობგადამმუშავებელი ქარხნები). რუსული მედიის ცნობით, ახლა ხელისუფლება ამ შეზღუდვების ბაზრის ყველა მონაწილეზე გავრცელების შესაძლებლობას განიხილავს.