საბაჟო დეკლარირებისას ვალუტის კურსის განსაზღვრის წესი ზუსტდება - მინისტრის ბრძანება
საბაჟო დეკლარირებისას ვალუტის კურსის განსაზღვრის წესი ზუსტდება. „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციების დამტკიცების თაობაზე“ ფინანსთა მინისტრის ბრძანებაში ცვლილება შევიდა, რომლის თანახმად, როდესაც საბაჟო ან/და საგადასახადო ვალდებულების წარმოშობის თარიღი საბაჟო დეკლარაციის რეგისტრაციის თარიღისგან განსხვავდება, ვალუტის კურსი ვალდებულების წარმოშობის დღისათვის დადგენილი კურსით განისაზღვრება.
ფინანსთა მინისტრის 27 ოქტომბრის№338 ბრძანებით, ლარებში საქონლის საბაჟო ღირებულების გადაანგარიშება ხდება დეკლარაციის რეგისტრაციის/საბაჟო ან/და საგადასახადო ვალდებულების წარმოშობის დღისათვის საქართველოს ეროვნული ბანკის მიერ დადგენილი სავალუტო კურსით.
დეკლარირების პროცესში გაჩნდა ახალი კოდი (608) - საბაჟო ან/და საგადასახადო ვალდებულების წარმოშობის თარიღი იმ შემთხვევაში, როდესაც საბაჟო ან/და საგადასახადო ვალდებულების წარმოშობა არ უკავშირდება საბაჟო დეკლარაციის რეგისტრაციის დღეს“.
BM.GE
წყარო: bm.ge