საგამოძიებო სამსახურმა საცხოვრებელი სახლიდან ₾38 000 ღირებულების უაქციზო სიგარეტი ამოიღო
BM.GE|bm.ge
დიდი ოდენობით უაქციზო სიგარეტის შენახვისა და გადაზიდვის ფაქტზე 5 პირი დააკავეს. ინფორმაციას საგამოძიებო სამსახური ავრცელებს.
"საგამოძიებო მოქმედებების შედეგად, ერთ-ერთი ბრალდებულის საცხოვრებელი სახლიდან 6 160 კოლოფი, ხოლო ავტომობილიდან 600 კოლოფი სხვადასხვა დასახელების უაქციზო სიგარეტია ამოღებული, რომლის საბაზრო ღირებულება 37 856 ლარია.
გამოძიება მიმდინარეობს საქართველოს სისხლის სამართლის კოდექსის მე-200 მუხლით, რაც 6-დან 8 წლამდე ვადით თავისუფლების აღკვეთას ითვალისწინებს", - აღნიშნულია საგამოძიებო სამსახურის ინფორმაციაში.
გაზიარება:
BM.GE
წყარო: bm.ge