საკითხი პროფესიული დისკუსიის და არა პროტესტის შედეგად უნდა გადაწყდეს - მდინარაძე დიუშენის მედიკამენტზე
მამუკა მდინარაძის განცხადებით, დიუშენის კუნთოვანი დისტროფიის მქონე ბავშვების მკურნალობის საკითხი არა პროტესტის, არამედ სიღრმისეული და პროფესიული დისკუსიის საფუძველზე უნდა გადაწყდეს.
ვიცე-პრემიერის თქმით, მიუხედავად იმისა, რომ დღეს ეს საკითხი ქვეყანაში ყველაზე სენსიტიურია მედიკამენტი, რომლის დაფინანსებასაც მშობლები ითხოვენ, მთელ მსოფლიოში ექსპერიმენტულია და მისი გამოყენების მიზანშეწონილობა სპეციალისტებმა უნდა შეაფასონ.
მისივე მტკიცებით, აღნიშნული დაავადება „სიცოცხლეს არ ეხება“, თუმცა მკურნალობის დაწყებამდე გარკვეული გარანტიებია საჭირო.
"უფრო სენსიტიური თემა, ვიდრე დიუშენის თემაა, ჩვენს ქვეყანაში დღეს არ არსებობს. ნებისმიერი მშობელი გააკეთებს ყველაფერს იმისთვის, რომ 1 დღეც კი თავის შვილს პოზიტიური მიმართულებით რაღაც საკითხი გადაუწყვიტოს და ამით პიარის კეთება, ჩემი აზრით, ძალიან ცუდი რამეა.
ვინაიდან, გულწრფელად მიმაჩნია, რომ ეს საკითხი არა წაქეზებით, რომ მეტი დრო გაატარონ რომელი დაწესებულებასთან მშობლებმა, განერვიულებულმა მშობლებმა, არამედ ყველამ უნდა უთხრას მათ, რომ ეს საკითხი, რომელიც ექსპერიმენტულია მთელ მსოფლიოში... იმ დღეს ჟურნალისტისგან გავიგე, რომ საექსპერიმენტოდ დღეს ჩაუშვეს ბრიტანეთშიო, საექსპერიმენტო მედიკამენტი, რომელიც, რიგ შემთხვევაში, საერთო ჯამს თუ გამოვიყვანთ ასეულობით მილიონი დოლარი შეიძლება დაჯდეს, ამის გამოყენება პროტესტის საფუძვლად გადაწყვეტილებას კი არ ექვემდებარება, ექვემდებარება დისკუსიას, რამდენად სწორია და პრ
ოფესიულ დისკუსიას, რამდენად მართებულია, ამ ადამიანების მიმართ გამოსაყენებლად. 1 წლის მერე რაღაც გარანტია მინიმუმ უნდა იდოს, რომ კი ბატონო, რაღაც საკითხი და, საბედნიეროდ, ეს საკითხი სიცოცხლეს არ ეხება და ა.შ. რაღაც საკითხი, გვიან გადაწყდეს ნეგატიური საკითხი და პოზიტიური გახანგრძლივდეს - ეს საკითხი უნდა გადაწყდეს პროფესიული, სიღრმისეული დისკუსიის და არა პროტესტის შედეგად", - განაცხადა მამუკა მდინარაძემ.