საქართველოს დერეფანში ტრაილერების რაოდენობა გაიზარდა - რა თანხა შედის ტრანზიტიდან ბიუჯეტში

საქართველოს დერეფანში სატრანზიტო ტრაილერების რაოდენობა გაიზარდა.

სახელმწიფო ხაზინის მონაცემებით, წელს 9 თვეში სატრანზიტო სატვირთო ავტომობილებმა ბიუჯეტში გზებით სარგებლობისთვის 132,820,345 ლარი გადაიხადეს, რაც წლიურად 6.2%-ით, ანუ 7.8 მილიონი ლარით გაზრდილი მაჩვენებელია. თითოეული სატრანზიტო ტრაილერი ქვეყნის გადაკვეთისთვის 350 ლარის მოსაკრებელს იხდის, ეს ნიშნავს რომ ქვეყანა ჯამურად 379,486-მა ტრაილერმა გადაკვეთა.

ეს ნიშნავს, რომ 2026 წლის განმავლობაში საქართველოში ყოველდღიურად საშუალოდ 1390 სატრანზიტო ტრაილერი შემოდიოდა, მაშინ როდესაც 2025 წელს ეს რიცხვი 1308 ტრაილერს შეადგენდა.