შეიძინე ალდაგის სამოგზაურო დაზღვევა და მიიღე გაორმაგებული ინტერნეტი

სადაზღვევო კომპანია ალდაგისა და Roamingo-ს პარტნიორობის ფარგლებში, მომხმარებლები, რომლებიც 4 სექტემბრის ჩათვლით სამოგზაურო დაზღვევას ალდაგში შეიძენენ, საჩუქრად 1-ის ნაცვლად, 2 GB ინტერნეტპაკეტსა და ერთჯერად, 20%-იან ფასდაკლებას მიიღებენ. შეთავაზებით სარგებლობა შესაძლებელია ევროპის ქვეყნებში, გაერთიანებულ სამეფოსა და თურქეთში.

„ჩვენი გრძელვადიანი კამპანიის - „არ დააგვიანო სამოგზაურო დაზღვევის ყიდვა და მიიღე საჩუქარი“ - ფარგლებში, მომხმარებლებს მუდმივად ვთავაზობთ სხვადასხვა ღირებულ სიახლესა და შეთავაზებას. საუკეთესო სადაზღვევო პირობებთან ერთად, ამჯერად ჩვენს მომხმარებლებს საჩუქრად გაორმაგებულ სამოგზაურო ინტერნეტს ვთავაზობთ, რაც მათ მოგზაურობას კიდევ უფრო სასიამოვნოს და მარტივს გახდის,“ - აცხადებენ ალდაგში.

პარალელურად, ალდაგში ზაფხულის მასშტაბური გათამაშებაც გრძელდება. ვებგვერდზე - onlinetravel.aldagi.ge სამოგზაურო დაზღვევის შეძენისას, მომხამრებლები ავტომატურად ერთვებიან გათამაშებაში და პარიზის ორკაციანი საგზურის მოგების შესაძლებლობას იღებენ. საგზური სრულად ფარავს როგორც ბილეთების, ისე სასტუმროში განთავსების ხარჯებს. გათამაშებაში მონაწილეობა 31 აგვისტოს ჩათვლითაა შესაძლებელი.