შვეიცარია, გერმანია, თურქეთი... – 6 თვეში საქართველომ $76.2 მლნ-ის ვაქცინები, სისხლი და იმუნური პროდუქტები იყიდა

2026 წლის პირველ ნახევარში საქართველოში ვაქცინების, სისხლის და იმუნური პროდუქტების იმპორტი 24%-ით 76.2 მლნ დოლარამდე გაიზარდა.

ოფიციალური სტატისტიკის მიხედვით, ეს პროდუქტი უმსხვილესი საიმპორტო საქონლის რეიტინგში 0.8%-ით მეცხრე ადგილს იკავებს.

საქსტატის ვაჭრობის პორტალის მონაცემებიდან ჩანს, რომ მომწოდებელი ქვეყნების რეიტინგში პირველ ადგილს 44 მილიონ 143 ათასი დოლარის ღირებულების 2.2 ტონა საქონლით შვეიცარია იკავებს, თუმცა წლის პირველ ნახევარში მოცულობით ყველაზე მეტი ვაქცინები, სისხლი და იმუნური პროდუქტები თურქეთიდან შემოვიტანეთ - ჯამში 703 ტონა საქონელში კი საქართველოდან თურქეთში მხოლოდ 4 მილიონ 303 ათასი დოლარი გავიდა. ეს კი იმას ნიშნავს, რომ შვეიცარიიდან ამ დასახელების საქონლის შეძენა ბევრად ძვირი ჯდება, ვიდრე სხვა ქვეყნებიდან.

6 თვეში ვაქცინების, სისხლის და იმუნური პროდუქტების იმპორტიორი ქვეყნების რეიტინგი ღირებულების მიხედვით ასეთია:

• შვეიცარია - $44.1 მლნ, 2.2 ტონა; • გერმანია - $5.7 მლნ, 7.2 ტონა; • თურქეთი - $4.3 მლნ, 703 ტონა; • ბელგია - $3.4 მლნ, 1.6 ტონა; • საფრანგეთი - $3 მლნ, 4.4 ტონა; • ლიეტუვა - $2.8 მლნ, 3.3 ტონა; • ავსტრია - $1.8 მლნ, 7.6 ტონა; • გაერთიანებული სამეფო - $1.5 მლნ, 0.7 ტონა; • სინგაპური - $1.5 მლნ, 0.1 ტონა; • ჩინეთი - $1 მლნ, 0.1 ტონა;