სი ძინპინი შემოდგომაზე ამერიკას ეწვევა - ჩინეთის საგარეო მინისტრი

ჩინეთის საგარეო საქმეთა სამინისტროს განცხადებით, ქვეყნის პრეზიდენტი სი ძინპინი მიმდინარე წლის შემოდგომაზე აშშ-ს ეწვევა. ჩინური მხარის განმარტებით, ვიზიტი ამერიკის შეერთებული შტატების პრეზიდენტის, დონალდ ტრამპის მიწვევით შედგება.

პრეზიდენტი სი ბოლოს 2015 წლის სექტემბერში იმყოფებოდა თეთრ სახლში და მაშინ ის ბარაკ ობამას შეხვდა.

საგარეო საქმეთა მინისტრმა ტრამპის ჩინეთში ვიზიტიც შეაფასა.

„ეს იყო მნიშვნელოვანი შეხვედრა, რომლის ფარგლებშიც ორმა ლიდერმა სიღრმისეული კომუნიკაცია გამართა და არსებით შედეგებს მიაღწია“, - განუცხადა ჩინეთის საგარეო საქმეთა მინისტრმა ვან იმ სახელმწიფო მედიას. მინისტრმა გამართულ აუდიენციას ისტორიული შეხვედრა უწოდა და განსაკუთრებით გამოყო მიღწეული პროგრესი სავაჭრო და ეკონომიკურ საკითხებში.

საგარეო უწყების ხელმძღვანელის თქმით, სავაჭრო მოლაპარაკებების შედეგად მხარეებმა მიაღწიეს „საერთო ჯამში დაბალანსებულ და პოზიტიურ შედეგებს, რაც მათ შორის წინა კონსულტაციების დროს მიღწეული ყველა კონსენსუსის იმპლემენტაციის გაგრძელებას გულისხმობს“.

ვან ის განმარტებით, ჩინეთმა და აშშ-მა განიხილეს „სასოფლო-სამეურნეო პროდუქტების ბაზარზე ხელმისაწვდომობის საკითხები“ და მხარი დაუჭირეს ვაჭრობის გაფართოებას ტარიფების ორმხრივი შემცირების ჩარჩოს ფარგლებში. გარდა ამისა, ქვეყნები შეთანხმდნენ სავაჭრო და საინვესტიციო საბჭოების შექმნაზე.

აღსანიშნავია, რომ 2017 წლის შემდეგ პირველად, აშშ-ის პრეზიდენტის ვიზიტი ჩინეთში მიმდინარე კვირაში 13-15 მაისს იმყოფებოდა.