სკამი, რომელზედაც ილია თოფურია UFC Freedom 250-ზე იჯდა აუქციონზე იყიდება

UFC Freedom 250-ის ღონისძიებაზე გამოყენებული წითელი კუთხის სკამი აუქციონზე გაიყიდა და მისი შეძენის შესაძლებლობა გულშემატკივრებს UFC Collectibles-ის პლატფორმაზე მიეცათ.

როგორც ცნობილია, 14 ივნისს წითელ კუთხეში მებრძოლი ყველა სპორტსმენი ერთსა და იმავე გასახდელს იყენებდა.

ამასთან, შვიდივე მებრძოლს, რომლებიც ოქტაგონზე წითელი ხელთათმანებით გამოვიდნენ, ერთი და იგივე ფერის სკამიც ჰქონდათ კუთხეში.

ამჟამად UFC Collectibles ამ სკამის აუქციონს ატარებს. სკამის შესაძენად ყველაზე მაღალი შეთავაზება 4 700 დოლარს შეადგენდა. მყიდველის დამატებითი საკომისიოს საბოლოო თანხა 5 170 დოლარს აღწევდა.

აუქციონის გვერდზე UFC Collectibles სკამს ასე აღწერს:

„ეს თქვენი შანსია, დაეუფლოთ ისტორიის ნამდვილ ნაწილს, რომელიც UFC-ის ისტორიაში ყველაზე მასშტაბური ღონისძიების დროს გამოიყენებოდა. ეს წითელი კუთხის სკამი გამოყენებული იყო UFC Freedom 250: Topuria vs Gaethje-ის მთელ ღონისძიებაზე და შესაძლოა თქვენი კოლექციის იდეალური ნაწილი გახდეს.“

აუქციონი 16 ივნისს დაიწყო და უკვე 36 შეთავაზება დაფიქსირდა. თითოეული ახალი შეთავაზება წინას 100 დოლარით აჭარბებდა.