Spider-Man-ის ახალმა ფილმმა კინოგაქირავებით $2 მილიარდის შემოსავალი მიიღო

"მარველის" ახალი ბლოკბასტერი, „Spider-Man: Brand New Day“, მსოფლიო კინემატოგრაფის ისტორიაში ერთ-ერთი იმ რვა ფილმთაგანი გახდა, რომლის შემოსავალმაც კინოგაქირავებაში 2 მილიარდ დოლარს გადააჭარბა, რითაც ის 2026 წლის ყველაზე მაღალშემოსავლიანი ფილმის ტიტულისკენ დამაჯერებლად მიიწევს.

ტომ ჰოლანდის მონაწილეობით გადაღებულმა „ადამიანი ობობას“ რიგით მეოთხე სოლო ფილმმა ამ შთამბეჭდავ ნიშნულს გამოსვლიდან სულ რაღაც სამ კვირაში მიაღწია და გლობალური მასშტაბით 2.022 მილიარდი დოლარი გამოიმუშავა, საიდანაც 785 მილიონი აშშ-ზე, ხოლო 1.23 მილიარდი საერთაშორისო ბაზარზე მოდის.

აღსანიშნავია, რომ 1-მილიარდიანი ზღვრის მსგავსად, 2-მილიარდიანი მაჩვენებლის დაძლევის სისწრაფითაც, ახალი ფილმი ისტორიაში მეორე ადგილს იკავებს და მხოლოდ ბლოკბასტერს - „შურისმაძიებლები: დასასრული“ (Avengers: Endgame) ჩამორჩება, რომელმაც აღნიშნული რეკორდის დამყარება 11 დღეში შეძლო.