სტიქიის პრევენციისთვის 28 მუნიციპალიტეტისთვის გამოყოფილი თანხა ₾3.9 მილიონით გაიზარდა

სტიქიის პრევენციის სახელმწიფო პროგრამის ფარგლებში რეგიონებში განსახორციელებელი პროექტების ფონდიდან მუნიციპალიტეტებისთვის გამოყოფილი თანხა 17 828 339 ლარამდე გაიზარდა. რაც იმას ნიშნავს, რომ 28 მუნიციპალიტეტზე დამატებით 3 992 772 ლარი გამოიყოფა.

მთავრობის 2170-ე განკარგულებით ცვლილება შევიდა 29 მაისის 1137-ე განკარგულებაში. ცვლილების მიხედვით, მუნიციპალიტეტების რაოდენობა 6-ით გაიზარდა და დღეისთვის თანხა 28 მუნიციპალიტეტზე განაწილდება. უფრო კონკრეტულად:

• დედოფლისწყაროს დაფინანსება ₾500 000-მდე იზრდება, ნაცვლად არსებული 147 547 ლარისა; • დმანისის მუნიციპალიტეტის კი ₾240 541-მდე;

ამ განკარგულებით, სტიქიის პრევენციის სახელმწიფო პროგრამის ფარგლებში დაფინანსებას დამატებით 6 მუნიციპალიტეტი მიიღებს. უფრო კონკრეტულად:

• ამბროლაურის მუნიციპალიტეტი: არაუმეტეს 555 000 ლარი; • ონის მუნიციპალიტეტი: არაუმეტეს 500 000 ლარი; • ლენტეხის მუნიციპალიტეტი: არაუმეტეს 500 000 ლარი; • ცაგერის მუნიციპალიტეტი: არაუმეტეს 500 460 ლარი; • თელავის მუნიციპალიტეტი: არაუმეტეს 1 000 000 ლარი; • საგარეჯოს მუნიციპალიტეტი: არაუმეტეს 484 154 ლარი;