სუსი, საგარეო, უზენაესი სასამართლო... - მთაწმინდაზე უწყებებსა და 9 000 აბონენტს გაზი გაეთიშება| თბილისი ენერჯი

მთაწმინდის რაიონში დაგეგმილი სარეაბილიტაციო სამუშაოების გამო, 9 000 აბონენტს ბუნებრივი აირის მიწოდება დროებით შეუწყდება. ინფორმაციას ამის შესახებ კომპანია „თბილისი ენერჯი“ ავრცელებს.

კომპანიის ცნობით, შეზღუდვა ჭოველიძის ქუჩის სარეაბილიტაციო სამუშაოებს უკავშირდება. გაზის მიწოდება შეწყდება ოთხშაბათს, 1 ივლისის 11:00 საათიდან და ეტაპობრივად აღდგება ხუთშაბათს, 2 ივლისის 10:00-დან 18:00 საათამდე.

გაზის მიწოდება დროებით შეუწყდებათ შემდეგ მისამართებზე მცხოვრებ მოქალაქეებსა და მცირე კომერციულ ობიექტებს:

• ჭოველიძე-ბელინსკის, ძმ. ზუბალაშვილების, ძმ. კაკაბაძეების, ბაქრაძის, ხოშტარიას, დ. თორაძის, მერაბ კოსტავას, ზანდუკელისა და ივანე კერესელიძის ქუჩებს; • ჩიტაძის, სულიკო ჟღენტის, ვუკოლ ბერიძის, შოთა რუსთაველის გამზირის, სულხან-საბას, გიორგი ლეონიძის, ს. მესხის, შალვა დადიანისა და შხეფის ქუჩებს; • თავისუფლების მოედანს, ამაღლების, პ. ჩაიკოვსკის, 8 მარტის, 9 აპრილის, პ. იაშვილის, პ. ინგოროყვას, დანიელ ჭონქაძის, ლერმონტოვის (გიგა ლორთქიფანიძის) და გ. ქიქოძის ქუჩებს; • ჩაბალის, აბაკელიას, ალ. ჭავჭავაძის, ელ. ზედგენიძის, ბოლო აღმართის, ლადო ასათიანის, მაჩაბლის, არსენას, შინდისისა და კოჯრის (გიზო ნიშნიანიძის) ქუჩებს; • აბო თბილელის, ბეგლარ ახოსპირელის (თავისი ჩიხებით), კუფტინის, გერგეთის ქუჩას, შესახვევსა და გასავალს; • ალ. გრიბოედოვის, ვალერიან გუნიას, ნიაღვრის, მთაწმინდის, ჭონქაძის, მაყაშვილის, დ. ყიფიანისა და იაკობ გოგებაშვილის ქუჩების ნაწილსა და მიმდებარე მისამართებს.

მსხვილი ორგანიზაციები და სახელმწიფო უწყებები

ბუნებრივი აირის მიწოდება დროებით შეეზღუდებათ აღნიშნულ პერიმეტრზე განთავსებულ მსხვილ სახელმწიფო, საგანმანათლებლო და კერძო ორგანიზაციებს, მათ შორის:

• სახელმწიფო უწყებები: სახელმწიფო უსაფრთხოების სამსახური (სუსი), სამთავრობო დაცვის სამსახური, საგარეო საქმეთა სამინისტრო, უზენაესი სასამართლო, საერთო სასამართლოების დეპარტამენტი, მთაწმინდის რაიონის გამგეობა და თბილისის საკრებულო. • საელჩოები: იტალიის საელჩო. • სასტუმროები და ბიზნესცენტრები: „თბილისი რუმსი“ (შპს „სითი ლოფტი“), სასტუმროები „ასტორია“, „ბეტსი“, „ლერმონტსი“, ბიზნესცენტრი ლეონიძეზე, „ბიზნეს ცენტრი თავისუფლების მოედანი“ და კომპანია „ჯიემთი მთაწმინდა“ (ფუნიკულიორის პლატოზე). • საგანმანათლებლო და კულტურული კერები: სამხატვრო აკადემია, მეცნიერებათა აკადემია, ივ. ჯავახიშვილის სახ. უნივერსიტეტის ეკონომიკის სკოლა, გოეთეს ინსტიტუტი, #47 და #49 საჯარო სკოლები, #200 ბაგა-ბაღი, „მწერალთა სახლი“ და კინოს სახლი. • სავაჭრო და კვების ობიექტები: სს „გუდვილი“, შპს „აჭარა გრუპი“, კოტე აფხაზის ქუჩაზე მდებარე „მასპინძელო 2022“, ოლიმპიური კომიტეტი და სხვა.