თბილისში ავარიული კორპუსების ჩანაცვლებისთვის ₾24- მილიონიანი შესყიდვები გამოცხადდა

თბილისის მერიის ა(ა)იპ თბილისის განვითარების ფონდმა ავარიული კორპუსების ჩანაცვლებისთვის ორი შესყიდვა გამოაცხადა, რომელთა ჯამური ღირებულება 24 მილიონ ლარს აღემატება.

კერძოდ, 15 101 134 ლარია შესყიდვის სავარაუდო ღირებულება, რომელშიც შედის ჩარგლის ქუჩა 50ა-ში მდებარე 2072 კვ.მ მიწის ნაკვეთზე არსებული ერთი ორსართულიანი და ოთხი ერთსართულიანი ავარიული შენობა-ნაგებობის დემონტაჟი და მის ნაცვლად 12 სართულიანი მრავალბინიანი საცხოვრებელი კორპუსის სამშენებლო (მათ შორის, სარემონტო) სამუშაოები.

9 154 824 ლარის შესყიდვა კი გამოცხადდა შუამთის ქუჩა, N38ა-ში მდებარე 11-სართულიანი მრავალბინიანი საცხოვრებელი კორპუსის სამშენებლო (მათ შორის, სარემონტო) სამუშაოებისთვის.

შესყიდვები 29 აპრილს გამოცხადდა და წინადადებების მიღება 11-დან 13 მაისამდე გაგრძელდება.