Tencent-მა Oracle-ისგან $7 მილიარდის ჩიპები იქირავა

ჩინურმა ტექნოლოგიურმა გიგანტმა Tencent-მა ამერიკულ კომპანია Oracle-თან ხელოვნური ინტელექტის დაახლოებით 100,000 მოწინავე ჩიპის იჯარით მიღებაზე ისტორიული ხელშეკრულება გააფორმა.

Financial Times-ის მიერ გამოქვეყნებული ხუთწლიანი გარიგების საერთო ღირებულება $7 მილიარდს შეადგენს. როგორც ირკვევა, Tencent-მა სამხრეთ-აღმოსავლეთ აზიაში მდებარე Oracle-ის მონაცემთა ცენტრებზე წვდომის მისაღებად საწყისი თანხის სახით 30% უკვე გადაიხადა.

არსებული ინფორმაციით, ჩინური ტექნოლოგიური გიგანტი ამ გარიგებით მიზნად დიდი ენობრივი მოდელების შექმნისა და დანერგვისთვის საჭირო გამოთვლითი სიმძლავრეების გაზრდას ისახავს.

Tencent-ისა და Oracle-ის გარიგებას ანალიტიკოსებისთვის განსაკუთრებით საყურადღებოს ხდის ის ფაქტი, რომ ოფიციალური პეკინი ადგილობრივ ტექნოლოგიურ სექტორს ამერიკული სისტემების ეროვნული ალტერნატივებით ჩანაცვლებისკენ აქტიურად მუდმივად მოუწოდებს და ყველა შესაძლო ნაბიჯს დგამს, რათა დამოკიდებულება მაქსიმალურად შემცირდეს.