თეთრი სახლის პრესმდივანი თანამდებობას ტოვებს
BM.GE|bm.ge
თეთრი სახლის პრესმდივანი ქაროლაინ ლივიტი თვის ბოლოს თანამდებობას დატოვებს. ამის შესახებ აშშ-ის პრეზიდენტმა დონალდ ტრამპმა განაცხადა.
ტრამპის თქმით, ლივიტი პოსტს მცირეწლოვან შვილებთან და ოჯახთან მეტი დროის გასატარებლად ტოვებს.
„ეს არის გადაწყვეტილება, რომელიც სრულად მესმის და პატივს ვცემ“, - დაწერა ტრამპმა სოციალურ ქსელში.
აშშ-ის პრეზიდენტმა ასევე აღნიშნა, რომ ლივიტი მისი ერთ-ერთი მთავარი გარე მრჩეველი და რესპუბლიკური პარტიის გავლენიანი ხმა გახდება.
28 წლის ქაროლაინ ლივიტმა თეთრი სახლის პრესმდივნის თანამდებობა გასულ წელს დაიკავა და ამ პოსტზე ყველაზე ახალგაზრდა ადამიანი გახდა. ჯერჯერობით უცნობია, ვინ ჩაანაცვლებს მას აღნიშნულ პოზიციაზე.
გაზიარება:
BM.GE
წყარო: bm.ge