ტრამპი ირანთან ომის დასრულებულად გამოცხადებას განიხილავს - WSJ
აშშ-ის პრეზიდენტი დონალდ ტრამპი უფროს მრჩევლებთან ფარულ მოლაპარაკებებში ირანთან ომის დასრულებულად გამოცხადების პერსპექტივას განიხილავს.
The Wall Street Journal-ის ინფორმაციით, ამერიკის პრეზიდენტი სამხედრო კამპანიის დასრულებასა და ეკონომიკური ზეწოლის გაძლიერებას უჭერს მხარს, რაც, მისი შეფასებით, ირანის რეჟიმს ბირთვული პროგრამის დემონტაჟს და შემდგომ კოლაფსს აიძულებს.
WSJ-ის წყაროების ინფორმაციით, ამ გადაწყვეტილებას მხარს უჭერენ რესპუბლიკური პარტიის წარმომადგენლებიც, რომლებიც შიშობენ, რომ თუ ომი შუალედურ არჩევნებამდე გაგრძელდება, მაშინ პარტია დამარცხდება და ტრამპის გუნდი კონგრესის ორივე პალატას დაკარგავს.
ხაზგასმით უნდა აღინიშნოს, რომ ომის დასრულებულად გამოცხადების ზუსტი თარიღი გასაჯაროებული არ არის და ეს გადაწყვეტილება ჯერ განხილვის საგანს წარმოადგენს. მიუხედავად ამისა, თუ ფედერალური ხაზინის ხელმძღვანელს, სკოტ ბესენტს დავუჯერებთ, აშშ-ის მთავრობა სრულად გადადის ეკონომიკურ ომზე და ის ირანის მთავრობის ჩამოშლას ფინანსური სანქციებით და საგარეო ზეწოლით აპირებს.
შეგახსენებთ, ამერიკის შეერთებულმა შტატებმა ირანის წინააღმდეგ სამხედრო კამპანია ექვსი თვის წინ დაიწყო. თავდაცვის მდივანმა პიტ ჰეგსეთმა ოპერაცია თავდაპირველად სწრაფ და გადამწყვეტ დარტყმად წარმოადგინა, თუმცა კონფლიქტი მნიშვნელოვნად გაჭიანურდა და როგორც ჩანს, ის მოუგვარებელ სახეს იღებს.
BM.GE
წყარო: bm.ge