TSMC ხელოვნური ინტელექტის დეველოპერებში $1 მილიარდის ინვესტირებას გეგმავს

ტაივანური ჩიპების მწარმოებელი გიგანტი, TSMC-ი ხელოვნური ინტელექტის წამყვან დეველოპერებში, Anthropic-სა და OpenAI-ში $1 მილიარდამდე მოცულობის ინვესტიციის განხორციელებას გეგმავს.

კომპანიის დირექტორთა საბჭომ Anthropic-ის აქციების IPO-ზე შესაძენად $500 მილიონამდე კაპიტალი გამოყო, ანალოგიური $500-მილიონიანი მოცულობის რესურსი კი OpenAI-ის პრივილეგირებული აქციების შესაძენად დაამტკიცა.

მენეჯმენტის განცხადებით, ამ ნაბიჯით კომპანიას პირდაპირი ფინანსური სარგებლის მიღება სურს იმ სტარტაპების მხრიდან, რომლებიც მსოფლიოში ყველაზე მძლავრ და მოთხოვნად AI-მოდელებს ქმნიან და ზრდის უდიდესი პოტენციალით გამოირჩევიან.

AI-სტარტაპებში ინვესტირების გარდა, TSMC-ი გლობალურ საწარმოო სიმძლავრეებს აქტიურად აფართოებს, რაც არიზონას შტატში $265-მილიარდიან საინვესტიციო პროექტს და ტეხასში ახალი საწარმოების მშენებლობის შესაძლებლობის შეფასებას მოიცავს.