ვინ გახდა NVIDIA-ს ახალი დირექტორი?
გენერალური დირექტორის პოზიციიდან ჯენსენ ჰუანგის გადადგომის შემდეგ, Nvidia-ს დროებითი აღმასრულებელი დირექტორის თანამდებობა ფინანსურმა დირექტორმა, კოლეტ კრესმა დაიკავა.
59 წლის კრესი Nvidia-ს 2013 წლის სექტემბერში აღმასრულებელი ვიცე-პრეზიდენტისა და ფინანსური დირექტორის პოზიციაზე შეუერთდა და ამ თანამდებობას ის დღემდე იკავებს. კრესი ჯენსენ ჰუანგთან ერთად მუდმივად მონაწილეობდა კომპანიის კვარტალური ფინანსური შედეგების წარდგენაში და ის ინვესტორებისათვის კარგად ნაცნობი სახეა.
რაც შეეხება მის კარიერასა და განათლებას, Nvidia-მდე კრესს წამყვან ტექნოლოგიურ კომპანიებში ფინანსურ პოზიციებზე მუშაობის თითქმის 25-წლიანი გამოცდილება ჰქონდა. მან რვა წელი Texas Instruments-ში გაატარა, 1997-დან 2010 წლამდე კი Microsoft-ში მუშაობდა, სადაც 2006 წელს სერვერებისა და ინსტრუმენტების განყოფილების ფინანსური დირექტორი გახდა. 2010 წელს კრესი Cisco-ში გადავიდა ბიზნესტექნოლოგიებისა და ოპერაციების ფინანსური მიმართულების უფროსი ვიცე-პრეზიდენტისა და ფინანსური დირექტორის პოზიციაზე, სადაც 2013 წლამდე დარჩა.
აშშ-ის ფასიანი ქაღალდებისა და ბირჟების კომისიაში წარდგენილი ანგარიშის თანახმად, მას ფინანსების ბაკალავრის ხარისხი არიზონის უნივერსიტეტში, ხოლო ბიზნესის ადმინისტრირების მაგისტრის ხარისხი სამხრეთ მეთოდისტურ უნივერსიტეტში აქვს მიღებული.
რაც შეეხება მის ქონებას, Forbes-ის 2026 წლის რეიტინგში კრესი ამერიკის უმდიდრეს ქალებს შორის 32-ე ადგილს იკავებს. მის მფლობელობაში არსებული Nvidia-ს აქციების ღირებულება დაახლოებით 750 მილიონ დოლარს შეადგენს.
Nvidia-ს ოფიციალური განცხადებით, კრესი დროებითი CEO იქნება და დირექტორთა საბჭო გენერალური დირექტორის შესარჩევად პროცესს უკვე იწყებს. კომისია როგორც შიდა, ისე გარე კანდიდატებს განიხილავს.
ცნობისთვის, ჯენსენ ჰუანგის გადადგომის გადაწყვეტილება დაკავშირებულია სკანდალთან, რომელიც მის ორ ქორწინებისგარეშე რომანტიკულ ურთიერთობას უკავშირდება.
BM.GE
წყარო: bm.ge