VK, OK, MAX – Google Play-იდან რუსული აპლიკაციები წაიშალა

ამერიკულმა ტექნოლოგიურმა გიგანტმა Google-მა პლატფორმა Play Store-იდან რუსული სოციალური ქსელები VKontakte და Odnoklassniki, ასევე მესენჯერი Max-ი წაშალა.

როგორც ირკვევა, ეს გადაწყვეტილება ევროკავშირის მიერ VK-სა და მისი შვილობილი საინვესტიციო კომპანიის წინააღმდეგ დაწესებულ სანქციებს უკავშირდება. ევროკავშირის განმარტებით, აღნიშნული მესენჯერი რუსეთის უსაფრთხოების ფედერალური სამსახურის კონტროლით შეიქმნა და ჯაშუშურ ფუნქციებს ასრულებს.

რაც შეეხება ანალოგიურ შეზღუდვებს, ივნისის ბოლოს მსგავსი ნაბიჯი Apple-ის ციფრულმა მაღაზიამაც გადადგა. კომპანიამ App Store-დან რუსული პლატფორმები Mail.ru და Odnoklassniki, ასევე VK-ის სხვადასხვა აპლიკაცია სრულად წაშალა. მაშინ რუსულმა მხარემ ამ გადაწყვეტილებას დაუსაბუთებელი უწოდა, თუმცა ამჯერად კომპანიას მკაცრი განცხადება არ გაუკეთებია.

ცნობისთვის, ამერიკული სანქციების გამო მუშაობა ვებდომენმა t.me-მაც შეაჩერა.