ლიეტუვა: EU სირიასთან საქართველოს ოკუპირებული ტერიტორიების აღიარების გაუქმებაზე იმუშავებს
ლიეტუვის საგარეო საქმეთა სამინისტროს ინფორმაციით, ევროკავშირი და მისი წევრი ქვეყნები მზად არიან სირიის პარლამენტთან იმუშაონ, რათა გააუქმონ ასადის დროს მიღებული გადაწყვეტილებები, რომლებიც საქართველოსა და უკრაინის ტერიტორიულ მთლიანობას არღვევს.
"ევროკავშირი და მისი წევრი სახელმწიფოები მზად არიან, ითანამშრომლონ სირიის სახალხო ასამბლეასთან და იმუშაონ საერთო მიზნების მისაღწევად, მათ შორის საერთაშორისო სამართლისა და გაეროს წესდების დაცვის მიმართულებით. ეს ასევე გულისხმობს ასადის რეჟიმის პერიოდში მიღებული იმ გადაწყვეტილებების გაუქმებას, რომლებმაც აღიარეს უკრაინისა და საქართველოს სუვერენიტეტისა და ტერიტორიული მთლიანობის დარღვევა", - წერს ლიეტუვის საგარეო.
ცნობისთვის, 2018 წეელს სირიის მთავრობამ, ბაშარ ალ-ასადის რეჟიმის დროს, დამოუკიდებელ რესპუბლიკებად აღიარა საქართველოს ორი რეგიონი - აფხაზეთი და ე.წ სამხრეთ ოსეთი, რის შემდეგაც საქართველომ სირიასთან დიპლომატიური ურთიერთობები შეწყვიტა.
საქართველოს ოკუპირებული რეგიონების, ე.წ სამხრეთ ოსეთის და აფხაზეთის დამოუკიდებლობა აღიარებული აქვთ რუსეთს, ვენესუელას, ნიკარაგუას და ნაურუს.
ფორმულა
წყარო: formulanews.ge