კიევზე რუსეთის იერიშს 8 ადამიანი ემსხვერპლა

კიევში, 1 სექტემბერს, ღამით რუსეთის იერიშის შედეგად 8 ადამიანი დაიღუპა, 5 დაშავდა, მათ შორის 3 ბავშვია.

კიევის საქალაქო სამხედრო ადმინისტრაციის ინფორმაციით, თავდასხმის სამიზნე გახდა კიევის სამოქალაქო ინფრასტრუქტურა და საცხოვრებელი უბნები.

მედიის ინფორმაციით, რუსებმა უკრაინას ბალისტიკური რაკეტებით შეუტიეს და დედაქალაქში ძლიერი აფეთქებების ხმა ისმოდა.

უკრაინის საგარეო საქმეთა მინისტრი, ანდრეი სიბიგა, პარტნიორებს მოუწოდებს, რომ საჭიროა რუსეთის ბალისტიკური წარმოების წინააღმდეგ მიმართული ანტიბალისტიკური სანქციების სწრაფი მიღება.

"მოვუწოდებთ ჩვენს პარტნიორებს, უარი თქვან პუტინის რეალურ განზრახვებთან დაკავშირებით ოცნებებზე. ის კვლავ უარყოფს სამართლიან სამშვიდობო წინადადებებს. ამის ნაცვლად, ის ფსონს დებს უკრაინის წინააღმდეგ ბალისტიკურ ტერორზე, ასევე შეერთებულ შტატებსა და მთელ ევროპაში მომავალ არჩევნებზე, იმ იმედით, რომ მათ თავის სასარგებლოდ გამოიყენებს, გაამწვავებს შიდა დაპირისპირებებს და დასავლეთის ერთიანობის დესტაბილიზაციას მოახდენს.

მოსკოვზე ზეწოლის გაძლიერებას ალტერნატივა არ აქვს. მაშინ, როცა რომ უკრაინა ზრდის ზეწოლას ბრძოლის ველზე, ველით, რომ ჩვენი პარტნიორები გაზრდიან ეკონომიკურ ზეწოლას მოსკოვზე და გააძლიერებენ უკრაინის საჰაერო თავდაცვას და ენერგეტიკულ მდგრადობას ზამთრის წინ", - ამბობს სიბიგა.