გერმანია უკრაინის ენერგეტიკის მხარდაჭერის ფონდში დამატებით 250 მილიონ ევროს შეიტანს

უკრაინის პირველი ვიცე-პრემიერის ენერგეტიკის საკითხებში, დენის შმიგალის ინფორმაციით, გერმანია უკრაინის ენერგეტიკის მხარდაჭერის ფონდში დამატებით 250 მილიონ ევროს შეიტანს.

"მადლობა გერმანიის მთავრობას და პირადად ფედერალურ ეკონომიკისა და ენერგეტიკის მინისტრს, კატერინა რაიხეს. ეს მხარდაჭერა უაღრესად მნიშვნელოვანია უკრაინის ენერგეტიკის მდგრადობის გასაძლიერებლად ზამთრის წინ.

გერმანია ფონდის ყველაზე დიდი დონორია. დღევანდელი, ახლად გამოცხადებული შენატანის ჩათვლით, გერმანიის ფედერაციული რესპუბლიკის ჯამური კონტრიბუცია 807 მილიონ ევროს შეადგენს.

საერთო ჯამში, დონორებმა ფონდში უკვე 2,4 მილიარდ ევროზე მეტი შეიტანეს. თუმცა, რუსეთის მუდმივი თავდასხმების პირობებში, უკრაინის ენერგეტიკული კომპანიების საჭიროებები კვლავ დიდია.

ფონდში დამატებით 561,5 მილიონი ევროს მობილიზება გვჭირდება. ველოდებით პარტნიორების შემდგომ მხარდაჭერას", - წერს შმიგალი.