უკრაინამ IMF-ის მოთხოვნილ კანონპროექტზე უარი თქვა - €4-მილიარდიანი დაფინანსების ბედი უცნობია

უკრაინის პარლამენტმა უცხოურ ამანათებზე გადასახადის დაწესების შესახებ კანონპროექტს მხარი არ დაუჭირა. როგორც ირკვევა, დოკუმენტის დამტკიცებისთვის საჭირო 226 ხმის ნაცვლად, ინიციატივას მხარი მხოლოდ 194 დეპუტატმა დაუჭირა. ეს საკანონმდებლო ცვლილება ოფიციალური კიევისთვის საერთაშორისო პარტნიორებისგან დაახლოებით €4 მილიარდის მოცულობის დახმარების მისაღებად აუცილებელ წინაპირობად მიიჩნეოდა.

ცნობისთვის, მოქმედი კანონმდებლობით, უკრაინაში €150-ზე ($175) ნაკლები ღირებულების საფოსტო გზავნილები გადასახადისგან სრულად თავისუფლდება. ფინანსთა სამინისტროს გათვლებით, ახალი რეგულაციის ამოქმედებას სახელმწიფო ბიუჯეტში ყოველწლიურად 10 მილიარდი ჰრივნა ($227.53 მლნ) უნდა შეეტანა. დეპუტატთა ნაწილის შეფასებით, დამატებითი გადასახადები ომით დაზარალებული მოქალაქეებისთვის ცხოვრების ხარჯებს მკვეთრად გაზრდიდა. ინიციატივის მხარდამჭერები კი აცხადებენ, რომ სამომხმარებლო იმპორტის შემცირება ადგილობრივ წარმოებას მნიშვნელოვნად წაადგებოდა.