თბილისის სააპელაციო სასამართლომ თამაზ ელიზბარაშვილი პატიმრობაში დატოვა
ფორმულა|formulanews.ge
თბილისის სააპელაციო სასამართლომ ბიზნესმენი თამაზ ელიზბარაშვილი პატიმრობაში დატოვა. ამის შესახებ მისმა ადვოკატმა ია სირანაშვილმა სოციალურ ქსელში დაწერა.
„თბილისის სააპელაციო სასამართლომ პატიმრობაში დატოვა თამაზ ელიზბარაშვილი, დაუშვებლად იქნა ცნობილი საჩივარი“, - წერს ადვოკატი.
დაცვის მხარე თბილისის საქალაქო სასამართლოს გადაწყვეტილებას ასაჩივრებდა, რომელმაც ელიზბარაშვილს მუქარის საქმეზე პატიმრობა შეუფარდა.
პროკურატურის ინფორმაციით, 30 აგვისტოს ერთ-ერთ რესტორანში მომხდარი კონფლიქტის შემდეგ ელიზბარაშვილი დაზარალებულებს სიცოცხლის მოსპობითა და ჯანმრთელობის დაზიანებით დაემუქრა, მოგვიანებით კი შეიარაღებული დაბრუნდა. უწყების ცნობით, 31 აგვისტოს მან მუქარის შემცველი ვიდეომიმართვაც გაავრცელა.
გაზიარება:
ფორმულა
წყარო: formulanews.ge