დრონებით იერიშის შემდეგ რუსეთის ტოლიატისა და ტაგანროგის ობიექტებზე ხანძარი გაჩნდა
ღამით უკრაინული დრონების თავდასხმის სამიზნე რუსეთის სამარისა და როსტოვის ოლქებში მდებარე სამხედრო და სამრეწველო ობიეტები გახდა.
ქალაქ ტოლიატიში დრონი ქიმიურ ქარხანას - "კუიბიშევ-აზოტს" მოხვდა.
ადგილობრივები სამრეწველო ზონაში გაჩენილი ძლიერი ხანძრის კადრებს ავრცელებენ.
ქარხანა ქიმიური პროდუქციის ერთ-ერთი უმსხვილესი მწარმოებელია და რუსული სამხედრო-სამრეწველო კომპლექსისთვის კრიტიკულად მნიშვნელოვან მასალებს აწარმოებს.
პარალელურად, დრონების იერიშის შედეგად აფეთქებებისა და ხანძრების სერია დაფიქსირდა როსტოვის ოლქის ქალაქ ტაგანროგშიც.
გავრცელებული ინფორმაციით, დარტყმების ერთ-ერთი მთავარი სამიზნე სავარაუდოდ ქალაქის სამხედრო აეროდრომი იყო, სადაც რუსეთის 708-ე სამხედრო-სატრანსპორტო საავიაციო პოლკია დისლოცირებული.
აეროდრომის სიახლოვეს მდებარეობს ასევე საავიაციო სარემონტო ქარხანა.
ფორმულა
წყარო: formulanews.ge