გერმანიის თავდაცვის მინისტრი: ესკალაციის შემთხვევაში უკან არ დავიხევთ
პოლონეთის საზღვართან მატარებელზე განხორციელებული დარტყმა ვლადიმერ პუტინის მიერ წინასწარ გათვლილი ესკალაციაა, რომლის მიზანიც ევროპაში შიშის დანერგვაა — ამის შესახებ გერმანიის თავდაცვის მინისტრმა, ბორის პისტორიუსმა განაცხადა.
„მნიშვნელოვანია სიმშვიდე შევინარჩუნოთ და არ დავუშვათ, რომ პროვოკაციებს ავყვეთ. თუმცა, ამავდროულად, ეჭვი არავის უნდა შეეპაროს იმაში, რომ ჩვენ საკუთარი თავის დაცვა შეგვიძლია და ესკალაციის შემთხვევაში უკან არ დავიხევთ. ის, რასაც პუტინი აკეთებს სახიფათოა. მან ეს იცის და სწორედ ამიტომ აკეთებს ამას“, — აღნიშნა პისტორიუსმა.
13 სექტემბერს რუსეთმა დრონებით თავდასხმა უკრაინა-პოლონეთის საზღვართან, იაგოდინის სადგურზე მყოფ სამგზავრო მატარებელზე განახორციელა. უკრაინის სახელმწიფო რკინიგზის კომპანია „უკრზალიზნიცას“ ცნობით, იერიშის სავარაუდო სამიზნე დიპლომატიური მატარებელი იყო, რომელმაც ლოკომოტივის დაბომბვამდე ცოტა ხნით ადრე გაიარა. მატარებელში ევროკავშირის წევრი ქვეყნების უსაფრთხოების მრჩევლები და ყოფილი ლიდერები, მათ შორის დიდი ბრიტანეთის ყოფილი პრემიერ-მინისტრი ბორის ჯონსონი იმყოფებოდნენ.
ფორმულა
წყარო: formulanews.ge