კობახიძე ბაღებში ბავშვების მოწამვლაზე: მთავარია გაირკვეს, იყო თუ არა კომპანიების ბრალეულობა

ქართული ოცნების პრემიერმა ირაკლი კობახიძემ პირველი კომენტარი გააკეთა ბაგა-ბაღებში აღსაზრდელების მოწამვლასთან დაკავშირებით.

„ზოგადად, კონტროლი ხდება, არის კონკრეტული კომპანია, რომელიც მთელი დედაქალაქის მასშტაბით უზრუნველყოფს კვებას, შესაბამის მომსახურებას. როგორც ჩანს, იყო კონკრეტული პრობლემა, თუმცა მე წინ ვერ გავუსწრებ მოვლენებს, მთავარია, შესაბამისმა უწყებებმა გაარკვიონ, რა იყო მიზეზი, იყო თუ არა ამაში კონკრეტული კომპანიის ან კომპანიების ბრალეულობა, ამ შემთხვევაში, რა თქმა უნდა, პასუხისმგებლობაც დადგება, თუმცა, ნუ გავუსწრებთ წინ გამოძიებას. უნდა იყოს გამოკვლეული ეს საკითხი და ამის შემდეგ შეგვეძლება კონკრეტული კომენტარი გავაკეთოთ ამ საკითხზე“, - თქვა ირაკლი კობახიძემ.

ფინანსთა სამინისტროს საგამოძიებო სამსახურის ცნობით, თბილისში მდებარე ბაგა-ბაღებში აღსაზრდელებისა და აღმზრდელის ინტოქსიკაციის ფაქტზე გამოძიება დაიწყო. საუბარია 20 ბაგა-ბაღის 55 აღსაზრდელსა და 1 აღმზრდელზე.