უკრაინის საგარეო საქმეთა მინისტრმა G7-ის წევრებს რუსეთზე წნეხის გაძლიერებისკენ მოუწოდა
უკრაინის საგარეო საქმეთა მინისტრი ანდრიი სიბიჰა ნიუ-იორკში „დიდი შვიდეულის“ (G7) მინისტერიალის მნიშვნელოვან შეხვედრას დაესწრო, სადაც მოკავშირეებს გაწეული მხარდაჭერისთვის, ხოლო საფრანგეთს G7-ის თავმჯდომარეობისთვის მადლობა გადაუხადა. სიბიჰამ „დიდი შვიდეულის“ წევრებს მოუწოდა, შეინარჩუნონ და კიდევ უფრო გააძლიერონ წნეხი რუსეთზე, რისთვისაც პარტნიორებს დეტალური არგუმენტები წარუდგინა იმის დასაბუთებლად, თუ რატომ არის მიუღებელი მოსკოვის წინააღმდეგ დაწესებული ნებისმიერი სანქციის შემსუბუქება.
შეხვედრაზე მხარეებმა რუსეთის წინააღმდეგ დამატებითი შეზღუდვების ფართო სპექტრი განიხილეს, რაც მოიცავს ანტიბალისტიკურ სანქციებს, რუსი მებრძოლებისთვის დასავლეთის ქვეყნებში შესვლის აკრძალვასა და გაყინული რუსული აქტივების სრულად გამოყენებას.
უკრაინის საგარეო უწყების ხელმძღვანელმა ცალკე გადაუხადა მადლობა იმ პარტნიორებს, რომლებმაც ზამთრის წინ უკრაინის საჰაერო თავდაცვისა და ენერგეტიკული მდგრადობის დასახმარებლად ახალი პაკეტების გამოყოფა გამოაცხადეს. სიბიჰას თქმით, უკრაინას ამ ომის დასრულება სურს და ამისთვის რეალური გადაწყვეტილებები არსებობს, რის გამოც ახლა ძალისხმევის გაორმაგების დროა, რათა პუტინი იძულებული გახდეს, უკან დაიხიოს.
ფორმულა
წყარო: formulanews.ge