კრემლმა კალინინგრადის ბლოკადის საპასუხოდ ბირთვული მუქარა „ცხელი თავების შეხსენებად“ შეაფასა

რუსეთის საელჩოებმა ბელგიაში, დიდ ბრიტანეთსა და ირლანდიაში გავრცელებულ განცხადებებში უარყვეს ევროპაში რუსეთის შეჭრის გეგმები და აღნიშნეს, რომ მსგავსი ცნობები მხოლოდ თავდაცვის ხარჯების გაზრდისა და უკრაინის დახმარების გასამართლებლად გამოიყენება, თუმცა იქვე გააფრთხილეს დასავლეთი, რომ ნატოს მიერ კალინინგრადის ოლქის იზოლირების მცდელობას რუსეთი მთელი არსენალით, მათ შორის ბირთვული იარაღით უპასუხებს.

მოსკოვში გამართულ ბრიფინგზე კრემლის პრესმდივანმა დმიტრი პესკოვმა დიპლომატების ამ ქმედებას „ცხელი თავებისთვის შეხსენება“ უწოდა და განაცხადა, რომ ეს ევროპიდან, მათ შორის პოლონეთიდან წამოსულ „თავგასულ განცხადებებს“ უკავშირდება, თუმცა პესკოვს კონკრეტულად არ დაუკონკრეტებია, თუ რომელ განცხადებებს გულისხმობდა.

აღსანიშნავია, რომ ნატოსთვის საელჩოების ეს ქმედება რუსეთის მხრიდან წარმოებული უგუნური და მუქარაზე დამყარებული კამპანიის მორიგი გაგრძელებაა.