მთავარი
ფორმულაწყარო
  1. მთავარი
  2. ფორმულა
  3. კონრად ადენაუერის ფონდი წერს, რომ იძულებულია, თბილისის ოფისი დახუროს
კონრად ადენაუერის ფონდი წერს, რომ იძულებულია, თბილისის ოფისი დახუროს

კონრად ადენაუერის ფონდი წერს, რომ იძულებულია, თბილისის ოფისი დახუროს

ფორმულა|formulanews.ge

კონრად ადენაუერის ფონდი წერს, რომ იძულებულია, თბილისის ოფისი დახუროს.

ფონდის მიერ გავრცელებული განცხადების თანახმად, თბილისში წარმომადგენლობის დახურვა საქართველოს მთავრობის მიერ შექმნილი პოლიტიკური და სამართლებრივი გარემოს პირდაპირი შედეგია.

განცხადება სრულად:

"კონრად ადენაუერის ფონდმა თბილისში არსებული წარმომადგენლობა 2026 წლის 30 სექტემბერს დახურა. ოფისის დახურვა ფონდის ნებაყოფლობითი გადაწყვეტილება არ ყოფილა. თბილისში ჩვენი წარმომადგენლობის დახურვა საქართველოს მთავრობის მიერ შექმნილი პოლიტიკური და სამართლებრივი გარემოს პირდაპირი შედეგია.

შექმნილ პირობებში კონრად ადენაუერის ფონდი საქართველოში ვეღარ ახერხებს თავისი მისიის შესრულებას.

გრანტების შესახებ საქართველოს კანონში შეტანილი ცვლილებების თანახმად, კონრად ადენაუერის ფონდმა საქართველოს მთავრობის ადმინისტრაციაში, თავისი საქმიანობის გასაგრძელებლად კანონით გათვალისწინებული განაცხადი შეიტანა.

2026 წლის 28 ივლისს საქართველოს მთავრობის ადმინისტრაციამ უარი უთხრა კონრად ადენაუერის ფონდს წარდგენილი განაცხადის დაკმაყოფილებაზე.

ახალი სამართლებრივი გარემოს პირობებში საქმიანობის გასაგრძელებლად, გერმანიის ფედერალური მთავრობის მხრიდან, არაერთი მცდელობის მიუხედავად, საქართველოს მთავრობის ადმინისტრაციასთან შეთანხმების მიღწევა ვერ მოხერხდა.

მთავრობის ადმინისტრაციის მხრიდან ფონდის მიერ პროექტების განხორციელების ნებართვის მიღება მხოლოდ იმ შემთხვევაში გახდებოდა შესაძლებელი, თუ ისინი აღარ იქნებოდა ფონდის მისიასთან თანხვედრაში.

საქართველოში მხოლოდ ფორმალური ყოფნა, საკუთარი მისიის შესრულების შესაძლებლობის გარეშე, კონრად ადენაუერის ფონდისთვის მისაღები და მდგრადი ალტერნატივა ვერ იქნება. შესაბამისად, ოფისის დახურვა საქართველოს მთავრობის მიერ ფონდის საქმიანობის შეზღუდვის გარდაუვალი შედეგია.

2003 წლიდან კონრად ადენაუერის ფონდი საქართველოში დემოკრატიის, სამართლის უზენაესობის, საპარლამენტო განვითარებისა და ევროინტეგრაციის ხელშეწყობის მიმართულებით საქმიანობდა. ფონდის საქმიანობა ფინანსდება გერმანიის ფედერალური ეკონომიკური თანამშრომლობისა და განვითარების სამინისტროს (BMZ), გერმანიის საგარეო საქმეთა სამინისტროს (AA) და ევროკავშირის მიერ გამოყოფილი სახსრებით.

ოც წელზე მეტია, ფონდი მხარს უჭერდა სამხრეთ კავკასიაში რეგიონულ თანამშრომლობას, დემოკრატიული და სამართლებრივი სახელმწიფო ინსტიტუტების განვითარებას, საბჭოთა წარსულის გააზრებას, რელიგიათაშორის დიალოგს, საქართველოში საპარლამენტო დემოკრატიის განვითარებას, გერმანია-საქართველოს ურთიერთობებსა და საქართველოს ევროკავშირთან დაახლოებას.

ახალგაზრდული პროგრამებისა და სასწავლო სტიპენდიების მეშვეობით, ფონდი ხელს უწყობდა ქართველი ახალგაზრდების პროფესიულ და პიროვნულ განვითარებას. პოლიტიკის, მეცნიერებისა და სამოქალაქო საზოგადოების წარმომადგენლებთან ერთად, კონრად ადენაუერის ფონდი მხარს უჭერდა საქართველოში ევროპული რეფორმებისა და მოდერნიზაციის პროცესს.

ფონდი კვლავაც შეინარჩუნებს კავშირს საქართველოსთან, ისევე როგორც თავის მრავალწლიან პარტნიორებთან. ამასთან, საქართველოში მისი იურიდიული რეგისტრაცია ძალაში რჩება, რათა პოლიტიკური გარემოს შეცვლის შემთხვევაში ქვეყანაში დაბრუნების შესაძლებლობა მოგვეცეს", - ვკითხულობთ განცხადებაში.

გაზიარება:

ფორმულა

წყარო: formulanews.ge

ორიგინალი სტატია

თემა: თბილისში

ამ თემას 6 ქართული წყარო აშუქებს — სულ 176 სტატია.

  • გლობალური ვაჭრობის ახალი მარშრუტები და საქართველო - ჩინეთის ვიცე-პრეზიდენტის თბილისში ვიზიტმა კიდევ ერთხელ გამოკვეთა ის ეკონომიკური და პოლიტიკური ინტერესები, რომლებიც ორ ქვეყანას აკავშირებსრუსთავი 2
  • საჰაერო ტაქსი თბილისში - Bartholet-ი საბურთალოს, ლისთან და დიღომთან დამაკავშირებელ საბაგიროს პროექტზე მუშაობსBM.GE
  • ცხინვალი და სოხუმი თბილისისგან ძალის არგამოყენების შეთანხმებას მოითხოვენნეტგაზეთი
  • პოლიციამ სხვადასხვა სახის ნარკოტიკი ამოიღო - თბილისში სამი პირი დააკავესტვ პირველი
თბილისში →

მსგავსი სტატიები

კოსი: "ოცნების" წარმომადგენლებს აქ ჩამოსვლა არ სურთ, რადგან უმაღლეს დონეზე არ ვიწვევთ

კოსი: "ოცნების" წარმომადგენლებს აქ ჩამოსვლა არ სურთ, რადგან უმაღლეს დონეზე არ ვიწვევთ

ფორმულა

ალ. ჭავჭავაძისა და ალ. გრიბოედოვის ქუჩების კვეთაზე მოძრაობა დროებით შეიზღუდება

ალ. ჭავჭავაძისა და ალ. გრიბოედოვის ქუჩების კვეთაზე მოძრაობა დროებით შეიზღუდება

ფორმულა

კობახიძე: რუსეთის მხარის წარმომადგენელ მიხაილ გალუზინთან პირველი შეხვედრა მალე იქნება

კობახიძე: რუსეთის მხარის წარმომადგენელ მიხაილ გალუზინთან პირველი შეხვედრა მალე იქნება

ფორმულა

კობახიძე: სასულიერო პირსა და ხელისუფლებას შორის საჯარო პოლემიკა ორივესთვის დამაზიანებელია

კობახიძე: სასულიერო პირსა და ხელისუფლებას შორის საჯარო პოლემიკა ორივესთვის დამაზიანებელია

ფორმულა