ტრამპი ირანზე ფართომასშტაბიანი დარტყმების განახლებას ამ ეტაპზე ნაკლებად სავარაუდოდ მიიჩნევს
აშშ-ის პრეზიდენტმა დონალდ ტრამპმა ტელეკომპანია CNN-თან ინტერვიუში განაცხადა, რომ ამ ეტაპზე ირანზე ფართომასშტაბიანი სამხედრო დარტყმების განახლებას ნაკლებად სავარაუდოდ მიიჩნევს, თუმცა დასძინა, რომ თუ თეირანთან ბირთვული პროგრამის შეზღუდვასა და ჰორმუზის სრუტის გახსნაზე შეთანხმება ვერ მიიღწევა, ის მზადაა იერიშის ბრძანება ხელახლა გასცეს. კატარის შუამავლობით მიმდინარე მოლაპარაკებებში არსებითი პროგრესი ჯერჯერობით არ ფიქსირდება.
პარალელურად, ირანის საგარეო საქმეთა მინისტრი აბას არაყჩი ვაშინგტონს „ჯოჯოხეთით“ დაემუქრა და აშშ-ის კონგრესის შუალედურ არჩევნებში დემოკრატების გამარჯვებაზე მიუთითა, სადაც რესპუბლიკელებმა უმრავლესობა დაკარგეს. ვიცე-პრეზიდენტმა ჯეი დი ვენსმა არჩევნებში მარცხის მთავარ მიზეზად სწორედ ირანის წინააღმდეგ წარმოებული ომი და საწვავის ფასების ზრდა დაასახელა, თუმცა ტრამპის განცხადებით, ეროვნული უსაფრთხოების ინტერესებიდან გამომდინარე, საჭიროების შემთხვევაში აშშ ანალოგიურად იმოქმედებს.
„ირანს უკვე მიაყენეს უზარმაზარი ზიანი და თუ საბრძოლო მოქმედებების განახლება საჭირო გახდება, აშშ-ს განსაზღვრული აქვს სამიზნე ობიექტები... მათ შორის 38 ხიდი, რომელთა დანგრევა ერთ საათში შეგვიძლია, თუმცა ამის გაკეთება არ გვსურს“.
ფორმულა
წყარო: formulanews.ge