ისრაელის თავდაცვის მინისტრი: ისრაელი მზად არის, ირანის წინააღმდეგ საბრძოლო მოქმედებების განახლებისთვის და ელოდება მწვანე შუქს ამერიკის შეერთებული შტატებისგან

ისრაელის თავდაცვის მინისტრი, ისრაელ კაცი აცხადებს, რომ ისრაელი მზად არის, ირანის წინააღმდეგ საბრძოლო მოქმედებების განახლებისთვის და ელოდება „მწვანე შუქს ამერიკის შეერთებული შტატებისგან“, რათა სამიზნეში ამოიღოს ახალი უზენაესი ლიდერი და ირანის ენერგეტიკული ობიექტები.

„ისრაელი მზად არის ირანთან ომის განახლებისთვის. „ცაჰალი“ მზადყოფნაშია როგორც თავდაცვის, ასევე თავდასხმის კუთხით, სამიზნეები კი მონიშნულია“, - აცხადებს კაცი.

კაცის თქმით, ისრაელი „ელოდება მწვანე შუქს შეერთებული შტატებისგან, პირველ რიგში, რათა დაასრულოს ხამენეის დინასტიის განადგურება - რომელიც ისრაელის განადგურების გეგმის ინიციატორია - და ირანის ტერორისტული რეჟიმის ხელმძღვანელობის მომდევნო მემკვიდრეების ლიკვიდაცია. გარდა ამისა, მიზანია ირანის დაბრუნება სიბნელისა და ქვის ხანაში ცენტრალური ენერგეტიკული და ელექტროობიექტების აფეთქებითა და ეკონომიკური ინფრასტრუქტურის განადგურებით“.

იგი დასძენს, რომ „ამჯერად თავდასხმა იქნება განსხვავებული და მომაკვდინებელი; ის მიაყენებს გამანადგურებელ დარტყმებს ყველაზე მტკივნეულ წერტილებში, იმ უზარმაზარი დარტყმების კვალდაკვალ, რაც ირანის ტერორისტულმა რეჟიმმა აქამდე უკვე განიცადა, რაც შეარყევს და დაანგრევს მის საფუძვლებს“.