ტრამპი ირანთან ომის დასრულების ვადების დასახელებაზე უარს ამბობს - „ნუ მაჩქარებთ“

აშშ-ის პრეზიდენტმა, დონალდ ტრამპმა უარი თქვა იმის დაზუსტებაზე, თუ რამდენ ხანს აპირებს ირანთან ომის გაჭიანურებას. თეთრ სახლში ჟურნალისტების კითხვაზე ვადებთან დაკავშირებით, მან უპასუხა: „ნუ მაჩქარებთ“.

„ვიეტნამში, მაგალითად, 18 წელი ვიყავით, ერაყში - მრავალი, მრავალი წელი... არ მინდა მეორე მსოფლიო ომის ხსენება, რადგან ის ძალიან მასშტაბური იყო, მაგრამ იქ ოთხ-ნახევარი, თითქმის ხუთი წელი დავყავით“, - განაცხადა ტრამპმა ოვალურ კაბინეტში.

პრეზიდენტმა მიმდინარე ცეცხლის შეწყვეტის შეთანხმებაზე მიუთითა, როგორც მოლაპარაკებების იმედისმომცემ ნიშანზე და აღნიშნა: „ჩვენ ოდნავ ადრე გავჩერდით, რადგან მათ მშვიდობა სურდათ“.

„მათ გარიგება სურთ“, - თქვა პრეზიდენტმა. „ჩვენ ვესაუბრებოდით მათ, მაგრამ მათ ისიც კი არ იციან, ვინ მართავს ქვეყანას. ისინი არეულობაში არიან, დიდ არეულობაში, ამიტომ ვიფიქრეთ, მიგვეცა მათთვის მცირე შანსი, რომ ეს ქაოსი მოაგვარონ“.

ტრამპმა კიდევ ერთხელ ხაზგასმით აღნიშნა, რომ ომის სწრაფად დასრულების არანაირ ზეწოლას არ გრძნობდა, მიუხედავად მისი თავდაპირველი ოთხიდან ექვს კვირამდე გაწერილი გეგმისა. მან მიუთითა ირანის შეუძლებლობაზე, გაიტანოს ნავთობი ექსპორტზე მიმდინარე საზღვაო ბლოკადის პირობებში.