ხათუნა ხოფერია: ჩვენი პატრიარქი დირექტივებს არ იძლეოდა, ის ზეწოლას არავისზე ახდენდა. ის იყო რაღაცნაირად ჩვენი რელიგიის გაგრძელება
„თქვენ ხომ ყოველთვის ასეთ რეჟიმში ხართ, მაგრამ ახლა განსაკუთრებული ღვაწლი გაქვთ იმიტომ, რომ უკანასკნელ გზაზე აცილებთ მამას. მას ხომ არავინ ჰყავდა. ჩვენ ვართ მისი შვილები და თქვენი შრომა, ბევრის კიდევ, ფსალმუნებს ვკითხულობთ, არის მამის გაცილება“, - განაცხადა გადაცემაში „იმედი LIVE“ პარლამენტის ყოფილმა დეპუტატმა ხათუნა ხოფერიამ.
ხათუნა ხოფერიას თქმით, ღრმა პოლიტიკურ თემებზე პატრიარქთან შეხვედრები არ ჰქონია.
„ძირითადად, ზურა[ჟვანია] ხვდებოდა ხოლმე და ზურასთან ჰქონდა მას ძალიან დიდხნიანი საუბრები. პატრიარქმა იცოდა, რომ ზურა იყო მორწმუნე, მაზიარებელი მორწმუნე და იყო მუდმივად კომუნიკაციაში.
ჩვენი პატრიარქი დირექტივებს არ იძლეოდა. ის ზეწოლას არავისზე ახდენდა. ის იყო რაღაცნაირად ჩვენი რელიგიის გაგრძელება. ჩვენი რელიგია სხვა რელიგიებთან შედარებით ბევრად უფრო ლმობიერია, არაფრის იძულებას იყენებს და ასეთი იყო თავად პატრიარქიც“, - აღნიშნა მან.
93 წლის ასაკში საქართველოს კათოლიკოს-პატრიარქი ილია მეორე გარდაიცვალა.
იმედი
წყარო: imedinews.ge