თეონა ცირამუა: პატრიარქის თითოეული ნაბიჯი იყო სიბრძნესთან, უჩვეულო სიმშვიდესთან დაკავშირებული - მთელი ქვეყანა გრძნობს რა ადამიანი დავკარგეთ
იმედი|imedinews.ge
პატრიარქი იყო ეპოქალური ადამიანი, - განაცხადა გორის ქალთა კამერული გუნდის სამხატრო ხელმძღვანელმა თეონა ცირამუამ გადაცემაში „იმედი LIVE“.
მისივე თქმით, პატრიარქის თითოეული ნაბიჯი იყო სიბრძნესთან, უჩვეულო სიმშვიდესთან დაკავშირებული.
„ის იყო ძალიან ზეადამიანური. ადამიანმა იმას მიაღწიოს, რომ ყველაფერს სიმშვიდით და სიბრძნით უპასუხოს, ეს არის დიდი მაგალითი. მთელი ქვეყანა გრძნობს რა ადამიანი დავკარგეთ. სიკვდილის შემდეგაც რა ამბავი დაატრიალა და როგორ გააერთიანა მთელი ერი. მგონია, რომ ამ სიკვდილითაც ჩვენი უწმინდესი ძალიან ბევრ გადატეხვას მოახდენს ერში და ბერში. მიუხედავად იმისა, რომ ჩვენს წინ სიკვდილი დგას, მაინც იმედიანად ვუყურებ ამ ყველაფერს“, - აღნიშნა თეონა ცირამუამ.
ილია მეორეს სიონის ტაძარში 22 მარტს დაკრძალავენ.
საქართველოს კათოლიკოს-პატრიარქი ილია მეორე 2026 წლის 17 მარტს 93 წლის ასაკში გარდაიცვალა.
გაზიარება:
IM
იმედი
წყარო: imedinews.ge