დავით მათიკაშვილი: შეიძლება ითქვას, რომ მამუკა მდინარაძე უკონკურენტოა, ის იყო სახელმწიფო უსაფრთხოების სამსახურის ძალიან წარმატებული ხელმძღვანელი, ხოლო მალე დაიკავებს სახელმწიფო მინისტრისა და ვიცე-პრემიერის თანამდებობას

კოორდინაციისთვის, დასახული ამოცანების შესრულებისთვის საჭიროა შესაბამისი სტრუქტურის ჩამოყალიბება, რომელიც სახელმწიფო მინისტრის სახით იქნება წარმოდგენილი, - განაცხადა დავით მათიკაშვილმა.

საპროცედურო საკითხთა და წესების საპარლამენტო კომიტეტის თავმჯდომარემ კომენტარი გააკეთა მთავრობის სტრუქტურაში განსახორციელებელ ცვლილებებთან დაკავშირებით.

„შეიძლება ითქვას, რომ მამუკა მდინარაძე უკონკურენტოა, ის იყო სახელმწიფო უსაფრთხოების სამსახურის ძალიან წარმატებული ხელმძღვანელი და უახლოეს დროში ის დაიკავებს სახელმწიფო მინისტრის თანამდებობას, ასევე იქნება ვიცე-პრემიერი და მისი საქმიანობის მიზანი იქნება ძალოვან სტრუქტურებს შორის კოორდინაცია, რაც მათი საქმიანობის ეფექტურობას გაზრდის“, - აღნიშნა მათიკაშვილმა.

პარლამენტი დღეს მამუკა მდინარაძისთვის სუსის უფროსის უფლებამოსილების შეწყვეტაზე და ახალი სამინისტროს შექმნაზე იმსჯელებს.