აბას არაღჩი: ირანი მზადაა როგორც მოლაპარაკებებისთვის, ისე ბრძოლისთვის
იმედი|imedinews.ge
ირანის საგარეო საქმეთა მინისტრი აბას არაღჩი აცხადებს, რომ თეირანი მზად არის როგორც მოლაპარაკებისთვის, ასევე ბრძოლის გასაგრძელებლადაც.
არაღჩის თქმით, საგარეო უწყება სამხედრო მეთაურებთან მჭიდროდ თანამშრომლობს და ქვეყნის ინტერესებიდან გამომდინარე დიპლომატიურ ძალისხმევას მიმართავს.
ირანული მედია წერს, რომ შეერთებული შტატები თეირანს სთავაზობს მოლაპარაკების პირველ ეტაპზე ხელი მოაწერონ შეთანხმების იმ ნაწილს, რომელიც ყველა ფრონტზე ცეცხლის შეწყვეტას, ორივე მხარის მიერ ჰორმუზის სრუტის ბლოკადის მოხსნას და გაყინული ირანული აქტივების მეოთხედის გათავისუფლებას ეხება. შემდეგ ეტაპზე კი გაგრძელდეს ირანის ბირთვულ პროგრამასთან დაკავშირებული მოლაპარაკებები.
გაზიარება:
იმედი
წყარო: imedinews.ge