ახალციხეში პარტია „ერთიანი ნეიტრალური საქართველოს“ რიგით მე-7 - სამცხე-ჯავახეთის რეგიონული ოფისის პრეზენტაცია და ადგილობრივ მოსახლეობასთან შეხვედრა გაიმართა
ახალციხეში, სასტუმრო „ახალციხე ინნ”-ში პარტია „ერთიანი ნეიტრალური საქართველოს“რიგით მე-7 - სამცხე-ჯავახეთის რეგიონული ოფისის პრეზენტაცია და ადგილობრივ მოსახლეობასთან შეხვედრა გაიმართა.
შეხვედრაზე პარტიის წარმომადგენლებმა ისაუბრეს რეგიონებში პარტიული ქსელის გაფართოების მნიშვნელობაზე, მოსახლეობასთან უშუალო კომუნიკაციის აუცილებლობასა და ნეიტრალიტეტის იდეის როლზე საქართველოს მშვიდობიანი და სტაბილური განვითარების პროცესში.
ახალციხის წარმომადგენლებმა აღნიშნეს, რომ ახალი ოფისი ღია იქნება რეგიონის მოსახლეობისთვის, სადაც მოქალაქეებს შესაძლებლობა ექნებათ პარტიის წევრებს გააცნონ საკუთარი პრობლემები, საჭიროებები და ინიციატივები. მათი თქმით, ოფისი იქნება სივრცე დიალოგისთვის, სადაც მოქალაქეთა მოსაზრებებს მოისმენენ, საკითხებს ერთად განიხილავენ და არსებული გამოწვევების გადაჭრის გზების მოძიებაზე იმუშავებენ.
შეხვედრაზე განსაკუთრებული ყურადღება დაეთმო სამცხე-ჯავახეთის მნიშვნელობასა და პოტენციალს.
როგორც პარტიის წევრებმა სიტყვით გამოსვლისას აღნიშნეს, სამცხე-ჯავახეთი გამორჩეული მხარეა თავისი ისტორიით, მრავალეთნიკურობითა და უნიკალური საკურორტო ზონებით, რაც ქმნის მნიშვნელოვან ტურისტულ და ეკონომიკურ პოტენციალს.
“საუკუნეების განმავლობაში რეგიონის გეოგრაფიული მდებარეობა ხელს უწყობდა ეკონომიკურ და კულტურულ ურთიერთობებს მეზობელ სახელმწიფოებთან.
ამ ტრადიციების შენარჩუნებასა და ეკონომიკურ გაძლიერებას სჭირდება მშვიდობა ქვეყანაში, სტაბილური პოლიტიკური გარემო, ინვესტიციები, სწორი ეკონომიკური და აგრარული პოლიტიკა, ხოლო ამის შესაძლებლობას ქმნის ნეიტრალიტეტი.”
“გვინდა, მოქალაქეებთან ერთად ვიმუშაოთ, რათა ნეიტრალიტეტის იდეას ჰქონდეს საპარლამენტო ლეგიტიმაცია და უკვეა მ ლეგიტიმაციით ვიბრძოლოთ საქართველოს უკეთესი მომავლისათვის!” - განაცხადა პარტიის აღმასრულებელმა მდივანმა შეხვედრაზე.
იმედი
წყარო: imedinews.ge