ალექსანდრე ძნელაძე „ფონდი ქართუს“ მიერ გამოსყიდულ სესხებზე: „ქართუ ფონდმა“ დაადასტურა, რომ ამ სესხებზე მოთხოვნა არ არსებობს - ადამიანებს ძალიან მოკლე ვადაში შეექმნათ შესაძლებლობა, რომ ფინანსებზე ხელმისაწვდომობა ან გამარტივებოდათ, ან არ ჰქონდათ და გაუჩნდათ ეს ხელმისაწვდომობა

„ქართუ ფონდის“ გარდა არავის არ აქვს უფლება, რომ მოითხოვოს აღნიშნული სესხი, რადგან სესხები, რომელიც შეიძინა „ქართუ ფონდმა“, მხოლოდ მას ეკუთვნის აღნიშნული ვალდებულებები, - განაცხადა საქართველოს საბანკო ასოციაციის პრეზიდენტმა ალექსანდრე ძნელაძემ „ქართუ ფონდის“ მიერ გავრცელებულ განცხადებაზე საუბრისას.

მისი თქმით, „ქართუ ფონდმა“ დაადასტურა, რომ ამ სესხებზე მოთხოვნა არ არსებობს.

„ქართუ ფონდი“ ამბობს, რომ თუ ვინმეს აინტერესებს ეს საკითხი, შეგიძლიათ, მომმართოთ და მოგცემთ ცნობას, რომ ჩვენ გვეკუთვნის ეს ვალდებულება და არ ვითხოვთ მას. 9 წლის წინ რომ გადავიდა ვადაგადაცილებაში სესხი, იმ სესხებზე ვსაუბრობთ, რომლებზეც ხანდაზმულობის ნაწილიც შეიძლება, კითხვის ნიშნის ქვეშ იყოს, სულ რომ არ ვისაუბროთ რეალიზაციასთან დაკავშირებით.

კონკრეტულად ამ ადამიანებს ძალიან მოკლე ვადაში შეექმნათ შესაძლებლობა, რომ ფინანსებზე ხელმისაწვდომობა ან გამარტივებოდათ, ან არ ჰქონდათ და გაუჩნდათ ეს ხელმისაწვდომობა“, - აღნიშნა ალექსანდრე ძნელაძემ.