Amnesty International-ი ჯოან როულინგის სექსუალური ძალადობის მხარდაჭერის ცენტრის კრიტიკის გამო სინანულს გამოთქვამს

Amnesty International-ი არასათანადოდ შედგენილი ანგარიშის გამოქვეყნების გამო სკანდალში გაეხვა. ორგანიზაციის გაერთიანებული სამეფოს ოფისმა განაცხადა, რომ ნანობს იმ დოკუმენტის გამოქვეყნებას, სადაც გენდერისადმი კრიტიკულად განწყობილი ჯგუფები, მათ შორის ჰარი პოტერის ავტორის, ჯოან როულინგის ქალთა უფლებათა დაცვის ცენტრი, ქალებისა და ლგბტ თემის უფლებათა შემლახველ, ანტი-ტრანსგენდერულ კამპანიებად შერაცხა.

ეს ჯგუფები ბრიტანეთის Amnesty International-ს საჩივრით დაემუქრნენ, რის შემდეგაც ორგანიზაციის გლობალური სამდივნო გამოქვეყნებულ ანგარიშს გაემიჯნა და ოფიციალური ვებგვერდიდან წაშალა. Amnesty International-მა შიდა გამოძიება დაიწყო ანგარიშში შეტანილი ინფორმაციის სანდოობაზე.