ანდრეი სიბიგა: შეხვედრა გავმართე ჩემს ქართველ კოლეგასთან, საგარეო საქმეთა მინისტრ მაკა ბოჭორიშვილთან. შევთანხმდით კონტაქტის გაგრძელებაზე

უკრაინის საგარეო საქმეთა მინისტრი მაკა ბოჭორიშვილთან შეხვედრას გამოეხმაურა. ქართველ კოლეგასთან განხილულ საკითხებზე მან სოციალურ ქსელში დაწერა.

„ერევანში, ევროპული პოლიტიკური გაერთიანების (EPC) სამიტის ფარგლებში, შეხვედრა გავმართე ჩემს ქართველ კოლეგასთან, საგარეო საქმეთა მინისტრ მაკა ბოჭორიშვილთან.

ჩვენ გავცვალეთ მოსაზრებები ორმხრივი, რეგიონული და საერთაშორისო მოვლენების ფართო სპექტრზე. ასევე განვიხილეთ ევროინტეგრაცია და ევროკავშირის მნიშვნელოვანი როლი გლობალურ საკითხებში.

განსაკუთრებული ყურადღება დავუთმეთ ურთიერთხელსაყრელი სავაჭრო და ეკონომიკური თანამშრომლობის გაფართოებას. შევთანხმდით შემდგომი კონტაქტის გაგრძელებაზე“, - წერს სიბიგა.

— Andrii Sybiha 🇺🇦 (@andrii_sybiha) May 4, 2026

სამიტზე ერთმანეთს ასევე საქართველოს პრემიერ-მინისტრი ირაკლი კობახიძე და უკრაინის პრეზიდენტის ვოლოდიმირ ზელენსკი შეხვდნენ.