„არ არსებობს მტკიცებულებები, ეს საქმე უნდა შეწყვეტილიყო. არ არსებობს არანაირი კვალი ალეკო ელისაშვილის დნმ-ის“ - „ლელო“ ტერორისტული აქტის მცდელობას არ ემიჯნება

ტერორისტულ აქტს არ ემიჯნება პარტია „ლელო“. კონკრეტული მტკიცებულებების მიუხედავად, პარტიის წევრები აცხადებენ, რომ ბრალდება გამოგონილია.

„ვერაფერი გადაფარავს სიმართლეს და ვერაფერი მათქმევინებს უარს, ვიყო მებრძოლი კაცის ქომაგი“, - აცხადებს „ლელოს“ წევრი ირაკლი კუპრაძე.

„ეს არ არის კანონის უზენაესობა. ეს არის „ქართული ოცნების“, ერთი პოლიტიკური ძალის ანგარიშსწორება მის პოლიტიკურ ოპონენტებზე, მეტი არაფერი. ჩემი საქმე არ არის, შევაფასო, ელისაშვილის ქმედებაში რა დავინახე“, - განაცხადა მედიასთან „ლელო საქართველოსთვის“ წევრმა თაზო დათუნაშვილმა.

„ლელო საქართველოსთვის“ წევრის ლანა გალდავას თქმით კი, მტკიცებულებები არ არსებობს.

„არ არსებობს მტკიცებულებები, ეს საქმე უნდა შეწყვეტილიყო. ალეკო ელისაშვილი მაქსიმუმ, გასამართლდეს ნივთის დაზიანების მუხლით. არ არსებობს არანაირი კვალი ალეკო ელისაშვილის დნმ-ის“, - აღნიშნა გალდავამ.

თავად ელისაშვილმა, რომელსაც ტერორისტული აქტის ჩადენის მცდელობისთვის 13 წლით თავისუფლების აღკვეთა მიესაჯა, ბრალი აღიარა - მან სასამართლოზე თქვა, რომ ქმედების მიზეზი პროტესტი იყო, რომელიც ახრჩობდა.

„არ არსებობს მტკიცებულებები, ეს საქმე უნდა შეწყვეტილიყო. ალეკო ელისაშვილი გასამართლდეს ნივთის დაზიანების მუხლით. არ არსებობს არანაირი კვალი ალეკო ელისაშვილის დნმ-ის“, - აღნიშნა გალდავამ.

ალეკო ელისაშვილს ტერორისტული აქტის ჩადენის მცდელობისთვის 13 წლით თავისუფლების აღკვეთა მიესაჯა.