არჩილ გორდულაძე ოპოზიციაზე: ცდილობს, სხვადასხვა გზით გარე მმართველობა დაამყაროს ჩვენს ქვეყანაში, მაგრამ ამავდროულად, ვერ იყოფენ თავიანთი პატრონის მიერ გაცემულ „ნდობას“, თანხებსა და შეპირებას მომავალი ძალაუფლების შესახებ და ვხედავთ, ერთმანეთის ჭამით არიან დაკავებული

ვხედავთ, რომ გარე დავალების შემსრულებლები ამ ქვეყანაში ძალიან ცოტაა და ძირითადად, ეს ის ადამიანები არიან, რომელთაც გარე მმართველობა და სისტემური და სისტემატური წამების რეჟიმი ჰქონდათ ჩამოყალიბებული 2003-2012 წლებში. ზუსტად იგივე ადამიანები არიან, ოღონდ მათ ბოლო წლების განმავლობაში რამდენიმე განსხვავებული ადამიანი მიიტმასნეს, - განაცხადა რადიკალურ ოპოზიციაზე საუბრისას იურიდიულ საკითხთა საპარლამენტო კომიტეტის თავმჯდომარემ, არჩილ გორდულაძემ, გადაცემაში „დღის ქრონიკა“.

მისივე თქმით, გარე ძალები საქართველოში ვერც პოულობენ ისეთ პირებს, რომელთაც შეუძლიათ, გარკვეული თანხებისა თუ გავლენის სანაცვლოდ, სამშობლოზე უარი თქვან, რაც ძალიან კარგია.

„სხვა ძალების დავალების შემსრულებელ ადამიანებს, რომელთაც შეუძლიათ, რომ ყველაფერზე ხელი მოაწერონ, მათ შორის ისიც შეუძლიათ, რომ ერთმანეთი ლანძღონ, თათხონ, ხელით შეეხონ, უშვერი სიტყვებით მოიხსენიონ ერთმანეთი, ერთმანეთის ოჯახის წევრები. არ აქვს მნიშვნელობა, რომელ მხარეს წარმოადგენენ - რეალურად ეს არის ერთი კლასტერი, ერთი დიდი დაჯგუფება და ბანდა, რომელიც ცდილობს, სხვადასხვა ფორმით, სხვადასხვა გზით გარე მმართველობა დაამყაროს ჩვენს ქვეყანაში. მაგრამ ამავდროულად, ვერ იყოფენ თავიანთი პატრონის მიერ გაცემულ „ნდობას“, თანხებსა და შეპირებას მომავალი ძალაუფლების შესახებ და ვხედავთ, ერთმანეთის ჭამით არიან დაკავებული. ეს ძალიან კარგიც არის. ჩვენ შეგვიძლია მოვიმარაგოთ „პოპკორნი“ და დაჭმის ახალ სერიას დაველოდოთ“, - განაცხადა გორდულაძემ.